Read Southern Rengma Naga ISAYA 18 Bible Online

ISAYA 18 - Southern Rengma Naga bible

ISAYA 18

¹Sudan züri dan pere ki sekin kekhün kethyü khwen nyü bin nyo.

²Kazü tsügü nyu Jonkhinyu dan le mba run gen bin-o Nile rinyu tsüryü hünyo. Ranila lo, jolo kemhen nyu! Jolo khisen-o hagun kazü züri dan le kenjünkho senkebin tsipwen kenko lo kekvu nyu ki, hagun temi kethon lo kenshwünyu, kazü aphu anyugun nshvu kehü bin nyu ranilalo.

³Kazü nyu yhun kebin nyu aphu nyüshülo! Kazüthun dan sun ki zansü phikeden nri binlo! Shukhun keshü nyü binlo!

⁴Npugü le aka zo, “Logvü ka tsang kenyen ki kheje gwün khezeü keche hontse bwenye tse, lo nhennyu yhüko keben hontse ale tsü chvü tse nri shüti.

⁵Vain le pun rinla lo a-sha le nyünla, tson-o lülo kemvu ka jonkhi pe vain bin gen a-ro ntilo kela hontse kenrhinyu le tsen mvutse Sudan temi dan nkelati.

⁶Lo shüpahü simindan khepe tegü lo tehen thyüdan tsülati. Ntsükerinka lo anyugun le tegü chvü thyü lo tsangseü ki tehenthyü chvü thyüti.”

⁷Kekvutsin Npugü le züri dan le kenjünkho kebin kazü, kenko lo kekvu tsipwen, thon lo a-thyü nshün kethyü, kazü aphu no nshvu kehü nyudan ka jwe hyulo nrün gwünkho nmele ryüjü. Tsüdan le Zion kazüthun, Kekvutsin Npugü rüshvu kehü bin nyu tsü ryüti.