Read Southern Rengma Naga ISAYA 20 Bible Online

ISAYA 20 - Southern Rengma Naga bible

ISAYA 20

¹Assiria raja, Sargon ahzah genyu anyugun rihü kedagü le Filistian nyida Ashdod when.

²Tsü mhundyü chenshan le kebin ka Npugü le Amoz nyugü Isaya no a-phakü lo a-le benkehü thula phi tsü thola lotse zoshü. A-le tsü nyüo a-phinya yhünla lo a-pha tsonchü gü.

³Ashdod lolo kela siki Npugü le zo, “Agogü Isaya le chenshan a-kenben lo a-pha nchon ho ryü laso. Tsü le Ijipt lo Sudan au gen thyü ryü nrün zansü.

⁴Tsü hontseo Assiria nyu raja le Ijipt lo Sudan hvu kazü nyu do tensen tin la ti. Ntsenyu lo peshünyu dan no kenben lo pha nchon tsonchü ti, lo anyugun thin-e hen mvuo Ijipt nyu no kejo pfü ti.

⁵Ijipt genyu ketekho lo Sudan tenyen kehü nyu le shese lo anyugun kenrin-e ndi lati.

⁶Tsü gwünkho le keryü ka Filistia kazü teki keyhun nyu le hihontse zoti, ‘Assiria raja gü ben nyu agun ntsenlo ti ado tse nrin kehü temi dan nrishülo! Agun le dihontseo binlo semom?’ ”