Read Southern Rengma Naga ISAYA 38 Bible Online

ISAYA 38 - Southern Rengma Naga bible

ISAYA 38

¹Higü gwünkho ka raja Hezekiah le ho-o sigüjü la. Amoz nyugü, Isaya sidyükesha gü, le a-nrishü titse güo a-kazo, “Npugü le nle rhünlo kemvui so laryü tha aphu ketsükela pe binla, lo ngwen ndalo lotse nka zobinnyo.”

²Hezekiah le kabon kipon ntsun-o kehi thyüso:

³“Npugü, ale njozen lo ketsin nyu nlothyü, lo nle ano nyu thyülo tse yo ayhen thyüo thenkehü tsü rüchün shüta.” Tson-o a-le chüsa tinla.

⁴Tsüselo Npugü le Isaya no

⁵Hezekiah ki güo a-kazo, “Ale Npugü, nbon David Sunggigü, nkehi nyülo lo n yhüphu keche hyula sele; Ale nno chen tseryü pvün yhun kethüni loti.

⁶Ale Assiria nyu raja gü ben nyu nle lo Jerusalem nyidagü keni shüti, tson-o nyidagü ntsen zin binti.”

²¹Isaya le raja gü no kherosha kendan pe kinthyü shvu ka shülo yatselo gwalo tile tse zoshü.

²²Tsüselo raja Hezekiah le shünio, “Ano kershvuka ki gülo nrün zensü le nyula?” Isaya le a-jo kenishü, “Npugü le a-le zokenjü jo thenhü letse kethyü zensü nme pe nteshati. Raja Ahaz le kahe teso dan ki kekütson kethyü gen tsü Npugü le kengü no phalvu tseryü tesenlati.” Tson-o Kengü le phalvu tseryü tesenla. Hezekiah le a-keho ponlokela siki keshwen lü higü thushü: Akerüchün we keyhun kegwa lvu ka kesinyu kazü nyu güla, lo yhunnilo mvu kelai ado tsela le. Akerüchün we kerhünnyu kazü hinyu Npugü hyunilo ho sele nmvue temi nme tenosinlo ho sele tse lale. Akeyhun ronzin duthülao a-keni thyüla, phika nme rho kela hontse, Dü kedo bin nyu phi rüthü kela hontse lale. A kerüchün we Sunggigü le a keyhun no keni thyüla bin so letse la. Ale khünsin kenjün thyüo chü, Shünyho le aru nkase kebin hontse. Sunggigü le akeyhun khilo, akeyhun keni thyü binla sele tse rüchün la. Akhwen le kvulo mvuo tsenyo la,<(...)