Read Southern Rengma Naga ISAYA 39 Bible Online

ISAYA 39 - Southern Rengma Naga bible

ISAYA 39

¹Hi gwünkho ka Baladan nyugü Merodak Baladan, Babilon raja gü le raja Hezekiah le hohü le tsekethyü nyülo-o lesü nme thushü lo jwe nipe a-ki shü.

²Hezekiah le lilonyu nsinlo-o a-kenya pe tsüdan hishü- suna lo rükagi, tharün kegwadan, lo terikanyü aphu. A-kenya ka nyu nmvue a-kedaphen nyu thame pe anyugun hikemvu ndila.

³Tsüselo Sidyükesha gü Isaya le raja Hezekiah ki güo a-ka shün, “Temi hidan le dikipon bin-o ryü, lo nyu pe nka zo shüla?” Hezekiah le zonio, “Anyugun le nithenki Babilon kipon bin-o ryüle.”

⁴Isaya le a-kazo, “Anyugun le kedabin gü nyu nyu hyula sela?” Hezekiah le, “Anyugun le tha aphu hyu laso. Kenyaka nyu kebindan ale pe anyugun hi kemvu ndi le,” tse zoshü.

⁵Tsügenyu Isaya le rajagü kazo, “Kekvutsin Npugü le zo

⁶nbonnyu le nkedabin higü nyu kenya kequen kenjüdan aphu pfüo Babilon nyu kazü ki gun kela gwünkho le ryüjü. Thame nsen loho.

⁷Ntsipwen ketsin pechenyu peha zen gungü Babilon raja bin nyu mego thyütinlati.”

⁸Raja Hezekiah le a-gwünkho ka we kenshvu ndi lo nyun bwen logwa letse shalao a-ka, “Nle Npugü kipon jo pe aka kezo tsüle gwale,” tse zoshü.