Read Southern Rengma Naga ISAYA 52 Bible Online

ISAYA 52 - Southern Rengma Naga bible

ISAYA 52

¹Jerusalem, nko lo gon nilo! Sunggigü nyida kenshüngü, phinya kenshwe benlo gwenlo! Sunggigü shakemvu nyun no n khinrun nyu niyüryü loho so.

²Nmin pfü kezen shwilo, Jerusalem! Kemphü nyu solo-o n rajakhün gen dunlo gwün! N phin pvü kebin rongü pfüshwi lalo, Zion temi dothyü kebin nyu!

³Npugü le a-temidan ka zo, “Hagun le medo thyükelo ka, pisa pe hagun min thyü mvu; tsühontse thame pe shüo hagun zen chwiryü loho.

⁴Hagun le Ijipt kazünyu tesin hontse yhun kethyü kae hagun npvü hagun kenda thyü gü; Assiria le tenge tse hagun sen tin-o thame pe hagun min thyümvu.

⁵Ntsoka Babilon nyu tsü gwenzin bin: Hagun le medo thyü bin, lo thame pe hagun min thyümvu. Hagun so kekvu kesen nyu le a-zin tse ketekho ketesüo a sü kemvu thyü hünyo.

⁶Ryükejü ki hagun le ale Sunggigü, lo ale hagun ka zoshü letse kethyü shaloti.”

⁷Lilonyu le gwaketho jolo sen-o kazüthun pfüthü ryü kejü ditsü khi-e shwi gwa yo! A-le kvukelo rüla zo-o Zion ka, “N Sunggigü le raja thyü binso!”

⁸Nyidagü rikhun nyu le khwen shwi bin nyo, Shekerhün thyü kengüo lüthyü binnyo! Anyugun le anyugun yhütyü pe Npugü le Zion ki niryü kejü hyuti!

⁹Shekerhün lüthyülo, Jerusalem nyu nkekela bin dan! Npugü le a-nyidagü kenishwi shü lo a-temi nyun thyü nbwen shüti.

¹⁰Npugü le a-kenshün kekvu gü sen ti; a-le a-temidan kenilo, lo kazü aphu tsü hyuti.

¹¹Babilon nken ketsin thyülo, hagun kershvuka nyu kanyü pfü kehü nyu aphu! N shünkemvu kanyü nme-e kesü nya; hagun ntsen kenshün bin-o chwilalo.

¹²Hile hagun le nyhun-o chwi kethyü gwünkho mvule; hagun le nrhi tin titse ndo nya chi. Npugü hagun Sunggigü le hagun tsontsinti lo lizin hizin hagun ntsen loti.

¹³Nugü le zo, “Agogü le a-tho nyu gwa kenyelo; mele a-rühvusa loti.

¹⁴Temi kechon le a-hyuo anyugun dun thyüla; a-joja kelu shülao nripe temi hontse mvula.

¹⁵Ai ntsoka we senye kechon le a-nrio dunthyü ti, lo rajanyu le anyugun dunthyüo tha zo nrün ndilati. Anyugun le hyuo shalo hü kemvu peha shalo ti.”