Read Southern Rengma Naga ISAYA 62 Bible Online

ISAYA 62 - Southern Rengma Naga bible

ISAYA 62

¹Ale Jerusalem thyü kepeche ti; A-le kenilola kemvuthen ale matsela loho, A-le kvukelo aphu khejegwen mane hontse benti.

²Jerusalem, senye dan le n kvukelo hyu! Anyugun rajanyu aphu n zankechwi hyuloti. Zankeshün nme nyu nkoti, Zan tsügü le Npugü le a npvü khikeshü.

³Nle Npugü genyu kedaperen kezegwa nme hontse lati.

⁴N lope “Khekela gü,” letse ko sin loho so. Nmvue nkazü lope “Khekela Nyugi,” letse mvuso. N zan keshün gü le “Sunggigü le a-kenyü kehügi,” tse tiso. Lo nkazü lope “N kenyüo sunthyükelo,” tse lati. Npugü le nge a-kenyü kehü genyu, A-le n kazü gü nyepvü hontse ti.

⁵N nyhunkeshü gü le selo nmele lünyu phousen nyu nme pe anu thyü titseo zen kehü hontse, N nyhunkeshü gü le nlo ti. Senhügü le senhügi gen a-kenyü kehü hontse, N Sunggigü le ngen a-kenyüti.

⁶Jerusalem, ale nchwida gen rikhun nyu pe bin njü nyo; Anyugun no nhenyue kheje gwen-e matse nya. Anyugun le Npugü le zokenjü jodan pe a-ka zoni mvulo shvu. Tson-o a-no tsüdan nmhinla nyalo.

⁷A-le Jerusalem thyünilo kemvuthen anyugun le a-no rüyü tinla nya. A-no tsü pe kazü apentha no shwen kehü nyida nme thyülo kemvuthen.

⁸Npugü le swen laso, Lo a-le a-kekvunyu tsü thyüshüti: “N shye lope n kenrhinyu chvü thyüni loho, Lo sinrünyi dan no n vain zu tsü sin loho so.

⁹Ai nle ntsi shüo gvü kelo tsü tyüo Npugü shwen ti. Vain low tsüo a-sha lülo A kershvuka nyu vain zu tsü ti.”

¹⁰Jerusalem temi ju, nyida gü nken chwilo Lo n temi le rani ryü kejü tson thyüshü lo! Tsonda nme ndolo; tson dan jün kenshün lalo! Zansü nme penso shü, senye dan no shalo nrün genyu.

¹¹Npugü le kazü aphu ka tesha shü bin: “Jerusalem temi ju ka, Npugü le hagun Kenilo titse ryüjüla sele, A-le kenishwilo kela temi dan zen-o, zo shülo.”

¹²Hagun lope “Sunggigü temi kenshün ju,” “Npugü le kenilo kela ju le,” tse ko ti. Jerusalem lope “Sunggigü le sokehü nyida gü.” “Sunggigü le khekemvu nyida gü tse koti.”