Read Southern Rengma Naga LEVINYU 11 Bible Online

LEVINYU 11 - Southern Rengma Naga bible

LEVINYU 11

¹Npugü le tejvu hidan pe Mosa lo Aaron au tsüshü

²Israel nyu genyu. Hagun le kazü nyu kehü nyukhu lihie tyülogwa,

³a-tsen ko lo a-chvü nshen kehü dan,

⁴ai ut, zushün nmvue hiphenthyü tyünya. Anyugun le anyu chvü nshen hü ai a-tsen ko kemvu genyu nshün mvu.

⁷Tebathyü tyünya. Teba le a-tsen ko ai a-chvü nshen kemvu genyu nshün mvu.

⁸Nyukhu hidan tyünya nmvue anyugun kesi kesünya, tsüle nshünmvu.

⁹Tsehü a-thun lo a-kü kepfü lihie tyü logwa,

¹⁰ai zünyu kehü lihie a-thun lo a-kü kendi dan tyü nya.

¹¹Zü khinyu tsüdan le nshünmvu. Hagun le tsüdan tyü nmvue a-kesi-e kesü nya.

¹²A-thun lo a-kü ndio zünyu yhun kehü lihie tyünya.

¹³Hagun le tegü hidan hi nme tyünya: logi, pvüterün, khinsu, münhvu, khüno, güda, tegvü, Ostrich, zügü, zügü münkethon, zügü pha thon, pelikan, zügü kemetse, hoopoe nmvue senphon.

²⁰Nyukhu keshen a-sekin kebin aphu nshün mvu,

²¹nchwe kehü dan ame.

²²Hagun le tsekhvu, ntsun nmvue khvuzentsü hidan hi tyü logwa.

²³Ai a-sekin kepfü nyukhu keshen lo nyon kehü dan le nshün mvu.

²⁴Ligü higü nyukhu hidan kesi kesü kela nyu le nshün mvu bin-o ngwün gü titi: A-tsen kepfü aphu, a-tsen ko lo achvü nshen kemvudan, a-benjwi kebin nyukhu phazi kepfü dan aphu. Lihigü tsüdan kesi min pfü kethyü nyule a-phinya thula mvulo shvu, tson lae nshün mvu bin-o ngwün gü titi.

²⁹U, tepfü, nren lo nfü hidan hile nshünmvu.

³¹Ligü higü tsüdan kerhün nmvue tsüdan kesi kesü kethyü güle nshün mvu bin-o ngwün gü titi.

³²Lo anyugun kesi le che-o kesü keshü tsüle nshün mvu. Hile tesen, phi, thyügi, jola nmvue senkehü kanyü lihie. Tsüpe zünyu ntsen lae ngwün gü ti kemvuthen nshün mvubin ti.

³³Lo tsüle cheo nnyonla nyu yüla yatselo, tsünyu kebin aphu nshünmvu lati lo hagun le la tsü borenla mvulo shvu.

³⁴Tyülo kegwa chvü lihi le bin-e la tsühontse kethyü ka zü jape shü lalo, nshün mvu laso lo tsü hontse kethyü ka tsülo kegwa zü aphu nshün mvu laso.

³⁵Tsü dan kesi min le lihi so ge chetsüe tsüle nshünmvu laso;

³⁶makhin nmvue maphoun-e boren lati, 36 ai zü kepenbin nmvue zülvu we nshün bin ti, anyugun kesi min le thakecha kesü keshü aphunshünmvu laya tse.

³⁷Tsüdan le cheo ntsi shütitse kebin soge tsü lae ntsi güle nshün bin ti.

³⁸Ai ntsi gü pe zünyu ntsen kenjü soge chetsü laya tselo ntsi güle nshün mvu laso.

³⁹Tyülo kegwa nyukhu lihie silalo, tsü kesü keshü güle nshünmvu bin-o ngwün gü titi.

⁴⁰Lo ligü higü nyukhu gü thyü tyü lo kesi min pfü yatselo a-phi thu lamvu loshvu, tsonla yatse-e a-le nshünmvu bin-o ngwün gü titi.

⁴¹Hagun le kazünyu kehü nyukhu keshe dan tsü tyünya,

⁴²tsüle nyon, nmvue phazi pfüo tson chü nmvue a-pha kechon le bin yatse-e.

⁴³Hidan tyüpe hagun gwün nrhu nya.

⁴⁴Ale Npugü hagun Sunggigü, ale nshün kethyü genyu hagun ko nshün bin mvu loshvu.

⁴⁵Ale hagun Sunggigü thyü titseo Ijipt ki hagun zen chwi keryü Npugü le. Hagun ko nshün mvuloshvu, ale nshün kethyü genyu.

⁴⁶Hile thyü, tegü, zünyu yhun kehü lo kazü so nnun kehü aphu genyu tejvu.

⁴⁷Hagun le nshün lo nshün kemvu nyukhu ketyüi lo tyükemvui shakekho kegwa thyü mvulo shvu.