Read Southern Rengma Naga LEVINYU 12 Bible Online

LEVINYU 12 - Southern Rengma Naga bible

LEVINYU 12

¹Npugü le tejvü hidan pe Mosa tsüshü

²Israel nyu genyu. Tenunyu le anyu peche nme nnyu shülo, shyekechwi tenunyu jvü tsü hontse jon tsenyü nshünmvu binti.

³Jon tetse nyü ntsenyu gü girü lati.

⁴Tson-o jon shanryü kenshen bin nio a-le a-zi nkie kela nyutsü nshün lo kemvu ka we tha lihie kenshün tsü kesü, nmvue phika kenshün günyu yüloshvu; a-thyükenshün gwenkho tsü penla kemvuthen.

⁵A-le tenunyu nnyu loya tselo shyekechwi tenunyu jvu tsü hontse jonryü pezi nshünmvu binti. Tson-o jon hentsero-o tsero bin nio a-le a-zi nkie kela nyutsü a-thyü nshün loti.

⁶A-le peche nmvue tenu hyulo metse a-thyükenshün jon pen lalo rope kerüshvu genyu tanyü chen me nyu nme lo kemu rokethyü paro nmvue nsu nme tse sen-o Phika gü khenpvü ka püshükeda gü ki ryüti.

⁷Lo Püshükeda gü le a-kerüshvu tsü sen Npugü ki ryüo tsügi nshünkemvu sentinla nrün tho thyü shüti. lo tsügi le nshün lati. Tenunyu le nyuzen kela sika tejvü higü thyü mvuloshvu.

⁸Tenu gile tanyü nme hyulo hoya tselo, a-le nsu kenyhun nmvue paro kenyhun, nme le rope kerüshvu lo kecha güle kemu rokethyü tse sen ryülo püshükedda gü le tsügi nshün kemvu sen tinla nrün tho thyü shüti, lo tsügi le nshün lati.