Read Southern Rengma Naga LEVINYU 9 Bible Online

LEVINYU 9 - Southern Rengma Naga bible

LEVINYU 9

¹Khikho kelo jvü penlo kela sinyü, Mosa le Aaron lo anyudan lo Israel sharhi ju kolo.

²A-le Aaron ka zoshü, “A-ge tetsin kendi methu tsebwe nme lo tanyü tse nme tse pe Npugü tsü shülo, methutse güle kemu rora genyu lo tanyütse gü le rope kerüshvu genyu.

³Tson-o Israel nyu no kemu genyu kerüshvu tanyü tse nme lo rope kershvu genyu tetsin kendi chen me thu nyu nme lo chen me tanyü nyu nme,

⁴lo kepvüshe kerüshvu genyu methu tse nme lo tanyü tse nme khilo lo tse zoshülo. Anyugun le terzü pe kerhü kethyü shyeni kesin-o pe rora thyü pe Npugü tsüti. Anyugun le hi thyü mvulo shvu Npugü le nthu anyugun yhühyu thyü nrün genyu.”

⁵Anyugun le Mosa le zokeshü tsü aphu sen-o Phika gü mhundyü nyu ryü lo temi apentha tsünyu Npugü rüshvu titse kehun lo.

⁶Mosa le zoshü, “Npugü le hagun no tha hi aphu thyülo tse johoshü, a-le kehü keben gü tsü hagun no hyulo nrün genyu.”

⁷Tson-o a-le Aaron ka zoshü, “Nkemu lo temi dan kemu sentin la nrün genyu kershvubin ka gü kemu genyu kerüshvu lo rope kerüshvu thyü shülo. Npugü le johokeshü hontse temi dan kemu sentinla nrün genyu kerüshvu hi thyü shülo.”

⁸Aaron le kershvubin ka gü a-npvü a-kemu genyu kerüshvu methu tsebwe gü dushvulo.

⁹Anyudan le tezi gü senryü a-tsü shü, lo a-le a-zenkero pe tsünyu ntsenlo-o kershvubin qvün ka a-to dan yünshü, lo a-sen pe kershvubin kedun bin ka ja la.

¹⁰Tson-o Npugü le Mosa ka johokeshü hontse a-le a-keshvu a-kisha lo a-sen kegwatsin pe kershvubin ge rola.

¹¹Ai a-thyü lo a-gi we a-le pe kensenbin tegwen ki rola.

¹²A-le a-genyu rope kerüshvu senru gü dushvulo. A-nyudan le tezi gü senryü a-tsüshü lo a-le tsü shwe pe kerüshvubin te lizin hizin shüla.

¹³Anyugun le senru gü pe lo a-thyü kecha dan khipe a-tsü shüo a-le pe kershvubin ge tsü rola.

¹⁴Tson-o zü pe a-vüri lo a-pha dan sü lao khipe kershvubin ge rope kerüshvu kecha so shüo rola.

¹⁵Tsüsiki a-le temi dan genyu kerüshvu khishü. A-le a-npvü a-kemu genyu kerüshvu gü hontse temi dan kemu genyu kerüshvu tenyü gü senryü dushvu pe rüshvushü.

¹⁶A-le rope kerüshvu senru gü ko senryüo tejvu then-o pe kerüshvu thyüshü.

¹⁷A-le shyeni pe kerüshvu tho jenthün gwa khipe kershvubin gü ge roshü. (Hile khenyütsen rope kerüshvu nyeki kesin.)

¹⁸A-le temi dan genyu kepvüshe kerüshvu thutse gü lo tanyü tse gü dushvulo. Anyudan le tezi gü senryüo a-le tsü shwe pe kershvubin te lizin hizin shüla.

¹⁹Aaron le methutse lo tanyütse gü keshvu

²⁰khipe senru hvu nyü soge shüo tsü aphu sen kershvubin ki güla. A-le keshvu tsüpe kershvubin ge rola,

²¹lo a-nyü lo a-pha nzhüzin tsüpe püshükeda ju genyu jwe kerüche thyü pe Npugü tsüla Mosa le johokeshü hontse.

²²Aaron le rora aphu thyüpen kela siki a-ben shwe pe temi dan so shüo jochü shüo tsenryü la.

²³Mosa lo Aaron au le Npugü kehü phika günyu yüo chwiryü jochü pe temi dan tsüshü, lo Npugü le kehü keben gü tsüle temi aphu yhühyu thyüshü.

²⁴Lo whütse Npugü le mah nishüo kershvubin ge rope kerüshvu lo thyü keshvu gü rola. Temi aphu tsü hyushüo nra-o kazünyu nkhün tsüla.