Read Southern Rengma Naga JEREMIAH 45 Bible Online

JEREMIAH 45 - Southern Rengma Naga bible

JEREMIAH 45

¹Josiah nyugü Jehoiakim le Juda raja thyükelo chenzigü ka Baruk le ale a-ka zokeshüdan thulo. Tsüselo ale a-ka zo-o

²Npugü, Israel Sunggigü le zo, “Baruk,

³nle hihontse zo hünyo, ‘Ale khela tiso! Npugü le nyunkenjünkethyü pe akenjün kethyü sin nishü laso. Ale nra pe akekvu ndila, ale kerüyü nme-e hyulo hoso!’

⁴“Ai ale Npugü, ale thyükenjü borenla, lo ale sen kenjü tsü phülati. Ale kazü aphu nyu hihontse thyüti.

⁵Nle ngenyu ke cha thyü lotse nrin hü le? Tsonya. Ale kenke zenryüo temi aphu gen shüti, ai nwe lihiki güe nrhi loti. Ale Npugü, tsü zo laso.”