Read Southern Rengma Naga JEREMIAH 47 Bible Online

JEREMIAH 47 - Southern Rengma Naga bible

JEREMIAH 47

¹Ijipt rajagü le Gaza when nrün mhundyü Npugü le Filistia nyu rüla pe aka zo.

²A-le zoshü: “Nrishü! Züle tesozin soryü bin, lo tsüle züri zükeda hontse tsunti. Tsü le kazü lo tsügen kebin aphu sü lati, tsü nyu nyida lo tsünyu yhunkebin dan. Temi dan le kekeche hi soti; kazü so kebin aphu chü ketsin thyüti.

³Anyugun le keru tson kechü, terigari ketin, lo a-pha kekeryü khwen nyüti. Mepvünyu le rani gü anyugun nyudan nrimvu lati, anyugun ben-e nnulo mvu lati.

⁴Filistia nyu nkela nrün gwünkho le ryüla, Tur lo Sidon hvu nyu kekeche le kebin aphu khinla. Ale Npugü, Filistianyu nke lati, Kret seki keryü nyu aphu.

⁵Nyun kenjünkethyü keda le Gaza temi gen ryüla, lo Ashkelon temi le ma tsela, Filistian nsen kelo dan we dithen nyun gwamvuo chü mon?

⁶Hagun le nrao, ‘Npugü zhethon gü! Nle dithen laki dushvu bin mon? N zhekü nyu yüo, tsünyu bin-o ryüyülo! tse zolo.’

⁷Ai tsüle dihontse sunbin lomon, ale a-tho pe tsükela sile? Ale a-no Ashkelon lo züzhe ki yhun kehü nyu when lotse johoshü laso.”