Read Southern Rengma Naga CHEKECHÜ 5 Bible Online

CHEKECHÜ 5 - Southern Rengma Naga bible

CHEKECHÜ 5

¹Npugü, agun ge thyükela tsü rüchün shüta. Agun nrishü, lo agun kejokepvü shashü lo.

²Agun kenya le tesin ben nyu; sin rünyi nyu le agun kanyu yhun bin laso.

³Kenrhinyu le agun pvünyu dushvula, lo agun jvünyu le magi loso.

⁴Agun le agun ketsü zü minthyü mvu loshvu la; agun le agun kezeü sen himvu loshvu laso.

⁵Gada nmvue Ut hüzen-o no kenjün thyü kebin hontse, agun le nhokeli sala, ai agun no ryüyü lomvu.

⁶Agun le tyüo yhunlo nrün ketyüketsü genyu, agun le Ijipt lo Assiria ki hi gü.

⁷Agun bon nyu le mula, ai ntsoka anyugun le ndi so. lo agun le tsü dan kemu genyu kenjün thyü bin.

⁸Me do hontse kethyü nyu no agun so kekvu sen bin, lo nme-e tsü dan ben nyu agun kenikeshüi ndi.

⁹Me dukeshvu nyu le agun kazü nyu holo lao; agun ketyüketsü fü güe agun keyhun le kenshvu nyu bin laso.

¹⁰Kenyon genyu rükao agun gi le nyen pe mahphun kenyen hontse laso.

¹¹Zion kazüthun ge tsü agun nunyu sü la; Juda nyu rünyi aphu nyu agun nyugi dan nchün ndyü.

¹²Agun sharhi dan tenzen gü hüla; agun temi kethen-e kerühvu pe tsü mvu.

¹³Selo dan kemvu thyü pe donyu hontseo pen ra; poben nyu lo tesen kensu pvüo kepakegwa.

¹⁴Kethen nyu le nyida khinrun ka bin mvu laso, lo selo ju le lüthyü sin mvu laso.

¹⁵Shekerhün le agun keyhun nyu ndila; shekerhün sunka nyungwakemvu le bin laso.

¹⁶Agun sü thyü kehü hon nme-e ndiso. Agun le mula, lo ntsoka we agun le thyülo tiso.

¹⁷Agun nyun le ho ketsin lo agun yhüphu genyu tha hyu loho laso,

¹⁸kechamvule Zion kazüthun khe pe a-npvü laso, lo mesükerun le tsünyu ntsüo khun bin laso.

¹⁹Ai Npugü, nle kethonthen raja gü, lo gwünkho keni ki-e keda thyü ti.

²⁰Nle nyuthyüo agun khe thonri la la? Nle agun rüchün nimvu so ole?

²¹Agun zenilo ta; Npugü! Agun zenni lota! Nduka agun zen kechwi gü khini shüta.

²²Nle kethonthen agun khela sela? Nnyunkenta a-keni ndi ole?