Read Southern Rengma Naga EZEKIEL 15 Bible Online

EZEKIEL 15 - Southern Rengma Naga bible

EZEKIEL 15

¹Npugü le aka zo.

²“Silakehü temi gü, Vain pe dihontse senbin ndyü hü nla? Vain ro lope chün nyu senro ndyü keshü nyu kegwa le bin la?

³Nle tsü sen-o tha peha thyülo gwa ole? Nle tsü lope tha no hü nrün bin-e thü logwa ti ole?

⁴Tsü le pe mah thyü nrün genyu nti. Lo mah le lizin hizin rola lo a-chvüka rope a-tun thyü lalo, nle tsü lope tha peha thyülo gwa le?

⁵Tsü le rokemvu ka-e sen mvue kegwa nme. Tsonlo tsüle rope a-tun thyü la lo sen mvue gwakvu.”

⁶Aphu sokekvu Npugü le hihontse zobin, “Tehen ki vain nme khilo-o pe rokela, tsü hontse ale Jerusalem nyu keyhun nyu khilo

⁷shaja pe anyugun tsü ti. Anyugun le mah nme nrhilo, ai ntsoka mah le anyugun ro lati. Ale shaja pe anyugun tsülo, nle ale Npugü letse shati.

⁸Anyugun le aka joketsin zomvu, tsügenyu ale kazü gü pe mele yhunkemvu bin thyü lati.” Aphu sokekvu Npugü le zo laso.