Read Southern Rengma Naga HOSEA 3 Bible Online

HOSEA 3 - Southern Rengma Naga bible

HOSEA 3

¹Npugü le aka zo, “Ni güo nkeso lope tenunyu nme a-kesonyu zen-o keyüla kehügi hishülo. Israel temi le ranio tero kechaki gü teromenkezü rüshvukela tensü khilonyü tin kela sikie ale anyugun sokebin hontse, nle a-so mvuloshvu.”

²Tsügenyu ale rakagi tseryüpvün lo barley kilogram 150 pe a-min thyü titse pe tsü.

³Ale a-ka a-no keyülachün ketyü tho thyümvu, nmvue keyüla mvuo gwünkho kethon akhwen mvulo shvu letse zoshü; tsü gwünkho ka ale a-khwenti.

⁴Hihontseo Israel le gwünkho kethon ki raja nmvue sharhi senmvu, kerüshvu thyümvu nmvue kenshün tso senmvu, teromenkezü nmvue thamen dan sen-o temvutho thyü mvutse gwünkho kethon binti.

⁵Ai gwüngwa Israel nyu le Npugü anyugun Sunggigü ki niryü, lo anyugun raja David tsipwen ki niryüti. Tson-o anyugun le Npugü nshvu lo a-jochü kegwa dan hyuloti.