Read Southern Rengma Naga HOSEA 6 Bible Online

HOSEA 6 - Southern Rengma Naga bible

HOSEA 6

¹Temidan le zo, “N gun Npugü ki rani gü tile! A-le n gun jünla, ai a-le n gun thyü n gwashü tsentsüti; a-le tejün shvu thyüpe n gun npvüla, ai a-le n gun kethyüshvu phinshü ti, a-le tson mvu ti ole?

²Jonhvu-jonshen jaka a-le n gun thyü nrhün shüti, lo n gun le a-le kebin ka yhun loti.

³N gun Npugü shakelo ndo tile. A-le tsang le ben ketsin lo kenda tsangkenri le kazü chen ketsin thyüshü kehü hontse n gun ki ryütsentsü le.”

⁴Ai Npugü le zo, “Israel lo Juda, ale hai zen-o nyu thyü titse bin nla? Hai akeso le lonyü khüzü le ndi whüla kehü tsü hontsele; tsüle nshwen ka nyu ndila kehü khüzü hontsele.

⁵Tsühontse kethyü genyu ale ajolonyu no kenjün kethyü lo kenke jolo sen-o hai ki ryü lotse nishü. Ale hai ka lonyü kehü gü tsüle shünshvu lo tsentsü le:

⁶Ale hai no asozin hünyü, kethyü a-me, hai le nyukhu pe rüshvukehü gütsü mvu. Ale tha kero kerüshvue thyüpe aketsü nyeki atemi no ashakethyü le akenyü.

⁷“Ai anyugun le Adam tsekethyü kazü nyu yülo nyemhun ale anyugun zen-o kejozenkelo gü gwünrho la.

⁸Gilead tsüle temi gwakemvu lo medukeshvunyu nti sükebin nyida nme.

⁹Peshükedadan le kerühu logwa le me khwen-o nda kehünyu hontse. Anyugun le kenshünbin, Shechem ki kegütson kie me boshvu hü. Lo anyugun le ronchvu tseo gwakemvu hidan thyü hü!

¹⁰Ale Israel nyu kenrin kethyü nme hyu: tsüle a temidan le teromenkezü rüshvuo anyugun bo nrhula.

¹¹“Lo Juda, ngenyu yatselo nle thyükebin gü genyu shaja pe ntsü titseo gwünkho tho laso.