Read Southern Rengma Naga AMOS 4 Bible Online

AMOS 4 - Southern Rengma Naga bible

AMOS 4

¹Samaria tenunyuju, Bashan nyu nkinkegwa thyükelo methu hontse dao kvukemvudan nshwen rhokedyünyu kemvuthyü, lo hagun nyepvünyu no zu pe hagun tsükü lotse hikehü dan!

²Aphusokekvu Npugü le nshün kethyü genyu, a-le hihontse swe laso: “Jon le ryüjü, tsünyü anyugun le hükhuvü lope hagun hüpe shwe lati; hagun aphu tsehü le hükhuvü gen nsü sen kebin hontse lati.

³Hagun süsen gü chwida kepe kho nnisa güo pe kewhen lati.”

⁴Aphuso kekvu Npugü le zo, “Israel temi dan, hagun le nmvulo shvutsin yatselo Bethel nyu bin kenshün ki güo mulo! Gilgal nyu güo nkekvu aphu pe kemu thyülo! Güo lonyütsen kerüshvu thyü nrün genyu senru senryülo, lo joshentsen jüntseryü sen ryülo.

⁵Güo tensü senryüo Npugü chenkeno kerüshvu thyülo, lo hagun le kerche senryükelo genyu hagun süthyü lo! Hagun le thyünyü kehü tsüle higü.

⁶“Chenda zenryüo hagun nyida aphu nyu keshü gü tsüle ale, ai hagun le aki niryü mvu.

⁷Hagun low le tsangkenri sen mvuloshvu sa kebin ka ale khinla. Ale tsangri pe nyida nme gen shü, ai kechagü gen we shümvula. Ale tsangripe low nme gen shü, ai kechagü we sinla.

⁸Nyida kenyhun kenshen le teri pe kvumvuo zü hyulo nrün nrin-o nyida kechagü ki gü, ai tsü nyu zü le tsükü mvu. Tson yatse-e hagun le ranio aki ryümvu.

⁹“Hagun low no sinla nrün genyu ale tsangkenbu kenyen nishü. Tsekhvu le hagun chwonchwi lo vainlow, hagun kherobin lo oliv bin dan tyübula. Tsonla yatse-e hagun le ranio aki ryümvu.

¹⁰“Ale kempün nipe Ijipt gen keshü gü hontse nipe hagun gen shü. Ale teri nyu hagun selo boshvula lo keru dan zen tinla. Ale hagun kensenbin nyu simin keten rün pe hagun hikon süshü. Tson kela sikie hagun le ranio aki ryümvu.

¹¹“Ale Sodom lo Gommrahhah kenke hontse hagun peha nkela. Hagun tsünyu rhün kelo nyu le mah nyu senro romvu kelo hontse la. Tsonla yatse-e hagun le rani aki ryümvu,” Npugü le zo.

¹²“Tsügenyu, Israel temi dan, ale shaja pe hagun tsüla tiso. Lo ale tsügü thyütitse binkela genyu, ale kenjünkethyü nikeshü gü teno nrün genyu ndalo!”

¹³Sunggigü le kazüthun rhekeshü gü, lo tsangkenbu thyükeshü gü. A-le a-kerüchün pe temi tesha hü nyo; a-le nhenyu kelu pe kheje thyüla hü. A-le kazü ketetso ki tsonchü hü. Higü hile a-zan: Npugü Kekvutsingü!