Read Southern Rengma Naga JONAH 2 Bible Online

JONAH 2 - Southern Rengma Naga bible

JONAH 2

¹Tsehü ginda nyu ki bin-o Jona le Npugü a-Sunggigü ka hi:

²“O Npugü, ashekese nyu ale nko keshü ka, nle ajo kenishü. Kesi kazü kentsun nyu ale nka keche hi, lo nle akehi nyü shü.

³Nle akewhen pe kentsun nyu, zida thinki shüla, tsünyu zü le ahun, lo zükentyü kekvu le aso tsuntsü.

⁴A kerüchün we nmhundyü nyu ahülao N Kershvuka kenshün gü hyu mvu la tiso letse la.

⁵Züle aso ryüo akhinlo la; zida le akemin shüla lo zida jonyü le ape jela.

⁶Ale kazüthun pha ki tsü kethonthen khinrun khinkehü kazü nyu. Ai Npugü, a Sunggigü, nle kentsun ki athyü nrhün zen chwiryüla.

⁷Ale sigükejü shalo-o nkoshüle Npugü, lo nle Kerüshvuka kenshün nyu akhwen nyü shü.

⁸Teromen kenrun rüshvu kehü dan le njokezen khelaso.

⁹Ai awe n keshwenlü thyüti; ale kerüshvu thyü pe ntsüti lo ale zoshwi kenjü tsü thyüti. Kenikelo le Npugü kipon ryühü!”

¹⁰Tsüselo Npugü le tsehü gü no Jona nshüli pe züseki shüla lotse ahza hoshü, lo tsonla.