Read Southern Rengma Naga JONAH 3 Bible Online

JONAH 3 - Southern Rengma Naga bible

JONAH 3

¹Gwengwa Npugü le Jona ka zoni.

²A-le zo, “Nyida gü Nineve ki güo ale pe nketsü jo tsü pe temidan ka zolo.”

³Tsügenyu Jona le Npugü khwen nyüo Nineve nyidagü jonshen tsonchüo pvüthülo kehü ki tsü gü.

⁴Jona le tsonchü sen-o nyida lvu nyu gü khenyüme penkelo siki zo, “Jon henzi jaka Nineve le nke lati!”

⁵Nineve nyu temidan le Sunggigü jo tenyenlola. Tsügenyu anyugun le temi aphu nyün mvulo shvu letse rhilo, lo kedatsingü ka gü keshentsin keti temi aphu nyunkelula sele tse kethyü zensü ronphi benlo.

⁶Nineve nyu raja gü le tsünyü kelo ka, a-rajakhün gen solo njüo a-mirün thola, ronphi benlo-o kenphü nyu yhon tinla.

⁷A-le jo nipe Nineve temi aphu tsüshü. “Hile rajagü lo a-hensin kedadan jo: Temi nme-e thame tyütsü loho, temi aphu, methu lo tanyü metse tyü nmvue tsünya lotse khi laso.

⁸Temi lo senru aphu ronphi benti. Temi aphu ketsin thyüo Sunggigü ka hilo a-serikemvu jvü khela lo a-tho gwakemvu dan khela mvulo shvu.

⁹Sunggigü le a-kerüchün kelu lae sha loho; a-le a-nyunkenta khela da sha loho, lo n gun le simvu loti!”

¹⁰Sunggigü le anyugun tho hyu; anyugun le serikemvu jvu khekela a-le hyu. Tsügenyu a-le a-kerüchün sünilao shaja pe anyugun tsü titse kebin khela.