Read Southern Rengma Naga JONAH 4 Bible Online

JONAH 4 - Southern Rengma Naga bible

JONAH 4

¹Jona le tsügenyu a-kenyümvulao a-nyuntala.

²A-le kehi thyüo, “Ale aka nken kemvu ka nle hihontse thyü titse zo mvu ole? Tsügenyu ale Spain ki tinla titse ayhenthyü sa! Nle keso lo shwikenjün Sunggigü, nyhenhi, bwe lo n kerüchün sünilao shaja pe tsühü kemvu tsü ale sha.

³Ano ntsoka sila gwenlo. Ale rhünkebin nyeki sikela gü we gwaso.”

⁴Npugü le zonishü, “Nle nyunta keloi nkenjü nyu le binla?”

⁵Jona le nyida nphozin chwio duntsüla. A-le thape a-sunlo-o tsünyu dun-o Nineve le dihontse latiyo khwenbin.

⁶Tsüselo Npugü le Jona no bwe kvulo nrün genyu tehen no Jona so sunilo. Jona le jonyü tsügü genyu a-kenyü salola.

⁷Ai tsü sinyü lonyü nshwen Sunggigü johokeshü then-o nyun le tehen gü tyülolao tsüle sila.

⁸Yhüko le chwi keryü ka Npugü le npho kipon tsangkenbu kenyen nishüo tsangkenyen le a-pe phokeshü ka Jona le sigüjüla. Tsügenyu a-le sila nyü lola. “Ale rhün kebin nyeki sikela we gwaso,” tsezo.

⁹Ai Sunggigü le a-ka zo, “Nle tehen tsü genyu nnyuntakeloi nyule binla?” Jona le zonishü, “Ale anyuntao sila kezüi le bin tiso!”

¹⁰Npugü le a-ka, “Tehen higü le kheje me ka yhun soryüo tsüsinyü ndila; nle tsügenyu thame thyümvu, lo nle tsüno min nrün thame thyü shümvu-- ai nle tsügenyu nnyun gwamvu bin!

¹¹Tsonlo tsünyeki Nineve nyidagü shwi njün zümvu tila? Tsü nti mvule tsünyu thame shakemvu ntsenyu 120,000, lo senrue kechon le binsin!”