Read Southern Rengma Naga TSIPWESWÜ 1 Bible Online

TSIPWESWÜ 1 - Southern Rengma Naga bible

TSIPWESWÜ 1

¹Israel nyu le Ijipt nken chwikeryü chen hvu ka shyehvu gü jonkeri nyü Sinai kazü kesi ki Npugü kehü Phika nyu Npugü le Mosa ka zoshü. A-le zoshü,

²“Aaron hai Israel nyu pfüphun lo kami thyüo temi swülo. Pechenyu aphu swülo

³teri thyülo kegwa chen nki lo tsü so swülo.

⁴Tsipwe nme ka pfüphun nme nyu sharhinyu nme me no hai keche shü lotse hi lo.”

⁵Thatho higü genyu anyu tsipwe ka sharhi kejükeshü le temi hidan: [Tsipwe] — [Pfüphun sharhi] Reuben — Shedeur nyugü Elizur Simeon — Zurishaddai nyugü Shelumiel Juda — Amminadab nyugü Nahshon Issachar — Zuar nyugü Nethanel Zebulun — Helon nyugü Eliab Efraim — Ammihud nyugü Elishama Manasseh — Pedahzur nyugü Gamaliel Benjamin — Gideoni nyugü Abidan Dan — Ammishaddai nyugü Ahiezer Asher — Ochran nyugü Pagiel Gad — Deuel nyugü Eliasaph Naftali — Enan nyugü Ahira

¹⁷Mosa lo Aaron au le temi mitseryü kenyhun dan hi keche sen

¹⁸shyehvu gü jon kerinyü temi dan apentha ko kequen shüo pfüphun lo kami thyüo temi aphu zan thulo. Pechenyu chen nki lo tsü so aphu zan thu-o swüshü,

¹⁹Npugü le johokeshü hontse. Sinai kazü kesi ki Mosa le temi zan thulo.

²⁰Jakob nyuri gü Reuben tsipwe ka bin zen-o Pechenyu teri thyülo kegwa chen nki lo tsüso tsü a-pfüphun lo kami then zanthu külo. Kerhün keshü le hihontse: [Tsipwe] — [Temi] Reuben — 46,500 Simeon — 59,300 Gad — 45,650 Juda — 74,600 Issachar — 54,400 Zebulun — 57,400 Efraim — 40,500 Manasseh — 32,200 Benjamin — 35,400 Dan — 62,700 Asher — 41,500 Naftali — 53,400 Kerhün: — 603,550

⁴⁷Levinyu we swü pe tsipwe kecha sinmvu,

⁴⁸Npugü le Mosa ka zoshü kela genyu,

⁴⁹“Nle pechenyu teri thyülo kegwa nyu swü kethyü ka Levi tsipwe pe sin nya.

⁵⁰Ai Levi tsipwe pe ale kehü Phika lo tsünyu kanyü aphu kentsen thyülo. Anyugun le tsü lo tsünyu kanyü dan pfüti, tsünyu lothyü lo anyugun kensenbin thyü pe tsü hunti.

⁵¹Lihi gwenkho kae hagun kensenbin keshün ka gülo anyu le tsü thyü niti. Kechanyu ligü higü Phika gü kho nni keryü gü no siti.

⁵²Israel nyu kechanyu le a-npvü a-phikeden hensin logwa gwa a-dan thyüo nsen ti.

⁵³Ai Levinyu we kensenbin thyü pe phika gü hun-o tsü rikhun ti, temi no tsükho nni ryüo ano anyuntao Israel nyu nke lamvu nrün genyu.”

⁵⁴Hihontse Israel nyu le Npugü le Mosa ka johokeshü aphu thyülo.