Read Southern Rengma Naga TSIPWESWÜ 12 Bible Online

TSIPWESWÜ 12 - Southern Rengma Naga bible

TSIPWESWÜ 12

¹Mosa le Kushnyu tenunyu lo, tsügenyu Aaron lo Miriam au le a-kenkhin jo zola.

²Au le zo, “Npugü le Mosa nti ge bin-o tha zo ole? A-le ngun ge ko bin-o tha zomvu ole?” Npugü le tsü nyü lola.

³(Mosa le temi a-jvu kebwe nme, kazü nyu temi aphu nyeki a-jvu bwe.)

⁴Npugü le whütse Mosa, Aaron lo Miriam tse ka zoshü, “Ale hagun mishen no ale kehü Phika günyu chwiryü lanyü bin nyo. Anyugun le chwi,

⁵lo Npugü le n mhuchwe nme ka tsenryüo Phika gü khenpvü ka so lo-o Aaron lo Miriam au koshü!” tson-o au le chwi,

⁶Npugü le zoshü, “Ale nyu zo tiyo nyülo! Sidyükeshanyu le hagun dan nyu kehü ka ale tsemi ki lo mizhü ki anyugun nthon.

⁷Ale ago gü Mosa zen kenthon le a-kecha; Ale atemi Israel nyu aphu pe a-tenyen laso.

⁸Tsügenyu ale mhuntsun a-zen kenthon hü, jokerhon zomvu ai shünshvu tse; a-le ajoja ai hyu laso! Hai le ago gü Mosa kentsun jo zo nshvu mvula?”

⁹Npugü le au ge anyuntao tinla

¹⁰lo n mhugü le Phika gü kheo tinla ntsin nyu le Miriam tyüo a-gi le chon pe khütso hontsela. Aaron le tsügi shwishü laryü keho le a-ge bin kela hyulo,

¹¹a-le Mosa ka zoshü, “Kedagü, ncheno-e ayi le kephanyu hontse kemuthyü kela higenyu shaja pe ayi tsü nyata.

¹²A-thyü peha tyülao a-no kesi nnyu kelo nyu hontse lanya ta.”

¹³Tsügenyu Mosa le Npugü ka kehi thyüo, “O Sunggigü, a-thyü ngwa shülo!”

¹⁴Tsontsin Npugü le a-jokenishü, “A-pvü le nsü pe a-mhun nye yatselo tsügi le jon tsenyü keja pfü ti. Tsügenyu jon tsenyü a-lope kensenbin tegwe ki khin lalo tson-o tsüsiki a-zen kensenbin nyu yüryülo.”

¹⁵Miriam pe kensenbin tegwe ki jon tsenyü khinla lo a-zen niryü kemvuthen temi dan le ketu shü mvula.

¹⁶Tsüsika anyugun le Hazeroth nken-o gü Paran tehenyhunkemvu ki kensenbin thyülo.