Read Southern Rengma Naga TSIPWESWÜ 2 Bible Online

TSIPWESWÜ 2 - Southern Rengma Naga bible

TSIPWESWÜ 2

¹Npugü le Mosa lo Aaron au ka tha hidan thyülo lotse zo shü.

²Israel nyu le kensenbin kethyü ka nmeme tse akami kenjün kha pe keshü nyu a-kami phikeden hensin thyüti. Kensenbin thyüpe Phika gü hunti.

³Npho zin, kenjün khope Juda phikeden hensin keshü ju le a-dan dan thyüo nsen ti, anyugun sharhi hidan hensin: [Tsipwe] — [Sharhi] — [Temi] Juda — Amminadab nyugü Nahshon — 74,600 Issachar — Zuar nyugü Nethanel — 54,400 Zebulun — Helon nyugü Eliab — 57,400 — Kerhün: — 186,400 Kenjün kho pe Juda kipon keshü dan le tsonchü riti.

¹⁰Tesinzin, kenjün kho pe Reuben phikeden hensin keshü jule a-dandan thyüo nsen ti; anyugun sharhi hidan hensin: [Tsipwe] — [Sharhi] — [Temi] Reuben — Shedeur nyugü Elizur — 46,500 Simeon — Zurishaddai nyugü Shelumiel — 59,300 Gad — Deuel nyugü Eliasaph — 45,650 — Kerhün: — 151,450 Kenjün kho pe Reuben kipon keshü jule kenyhun gü ka tsonchü ti.

¹⁷Tson-o ju hvu le ri lo ju hvu le khin tseo tsüja ka Levinyu le Phika gü pen-o tsonchüti. Kenjün kho keshü nmeme tse dihontse kensenbin thyü yo a-bin ka a-phikeden hensin tsonchü ti.

¹⁸Nkhünzin, kenjün kho pe Efraim phikeden hensin keshü jule a-dandan thyüo nsen ti, anyugun sharhi hidan hensin: [Tsipwe] — [Sharhi] — [Temi] Efraim — Ammihud nyugü Elishama — 40,500 Manasseh — Pedahzur nyugü Gamaliel — 32,200 Benjamin — Gideoni nyugü Abidan — 35,400 — Kerhün: — 108,100 Kenjün kho pe Efraim kipon keshü jule kensehn gü ka tsonchü ti.

²⁵Tesozin, kenjün kho pe Dan phikeden hensin keshü jule a-dandan thyüo nsen ti, anyugun sharhi hidan hensin: [Tsipwe] — [Sharhi] — [Temi] Dan — Ammishaddai nyugü Ahiezer — 62,700 Asher — Ochran nyugü Pagiel — 41,500 Naftali — Enan nyugü Ahira — 53,400 — Kerhün: — 157,600 Kenjün kho pe Dan kipon keshü jule khin-o tsonchü ti.

³²Israel nyu kenjün kho pe a-dandan thyüo zan thu kelo kerhün keshü le 603,550,

³³Npugü le Mosa ka zokeshü hontse Levinyu pe Israel nyu kecha dan sin-o zan thulo mvula.

³⁴Tson-o Israel nyu le Npugü le Mosa ka johokeshü thyülo. Anyugun le nmeme tse a-npvü a-phikeden hensin nsen lo, lo a-pfüphun zen-o tsonchü lo.