Read Southern Rengma Naga TSIPWESWÜ 29 Bible Online

TSIPWESWÜ 29 - Southern Rengma Naga bible

TSIPWESWÜ 29

¹Shye tsenyü gü jon kerinyü hagun le kequen-o rüshvuti, lo thatho nme thyü loho. Tsünyü shvu khun shüti.

²Lo a-ge tetsin nme kendi Methu tsebwe nme, tanyü tse nme, lo tanyü chenme nyu tsenyü tsepe Npugü no a-kenyü nrün rope kerüshvu thyüti.

³Lo shyeni pe kerüshvu ka oliv terzü pe tho kerhün kethyü methu tse gü genyu kilogram kenshen, tanyü tse gü genyu kilogram kenyhun,

⁴lo tanyü nyu nmeme ka kilogram nme tse pe rüshvuti.

⁵Lo tenyü tse nme kope kemu genyu kerüshvu thyüti, hihontse temi dan thyü nshünkelo rora thyü ti.

⁶Shye jon kerinyü rope kerüshvu lo shyeni pe kerüshvu lo khenyütsen rope kerüshvu, shyeni pe kerüshvu lo vainzu pe kerüshvu nyeki hidan pe sin-o rüshvuti. Ketyü ketsü pe kerüshvu rün hidan hi Npugü le a-kenyü.

⁷Shye tsenyü gü jonryü nyü hagun le kequen-o rüshvu ti; tsünyü thame thyünya lo thatho thyünya.

⁸A-ge tetsin nme kendi methu tsebwe nme, tanyü tse nme lo tanyü chenme nyu tsenyü tse pe Npugü no a-rün a-kenyü nrün rope kerüshvu thyü pe Npugü ki shüti.

⁹Lo shyeni pe kerüshvu, oliv ter kerhün kethyü methutse gü genyu tho kilogram kenshen, tanyü tse gü genyu kilogram kenyhun lo

¹⁰tanyü nyu nme me genyu kilogram nme tse pe rüshvuti.

¹¹Tenyü gü pe temi dan thyü nshün kelo rora thyü lo khenyütsen shye lo vainzu sin-o rope kerüshvu nyeki kemu genyu kerüshvu tenyü tse nme ko pe rüshvuti.

¹²Shye tsenyü gü jonryü pvün nyü kequen-o rüshvulo. Npugü kerühvu nyu jon tsenyü nga ti lo thatho thyü nya.

¹³Jon keri hinyü a-rün Npugü le kenyü kethyü ketyüketsü pe kerüshvu thyüshü. A-ge tetsin nme kendi methu tsebwe tseryü kenshen, tanyü tse kenyhun lo tanyü chenme nyu tse tseryü pezi tse pe.

¹⁴Shyeni pe kerüshvu genyu tho oliv ter pe kerhün kethyü Methu tse nme genyu kilogram kenshen, tanyü tse nme genyu kilogram kenyhun,

¹⁵lo tanyü nyu nme genyu kilogram nme tse pe vain zu pe kerüshvu sinti.

¹⁶Lo tenyü tse nme kope kemu genyu kerüshvu thyüti. Hidan pe khenyütsen rope kerüshvu shyeni pe kerüshvu lo vainzu pe kerüshvu sin ti.

¹⁷Jon hvu nyü a-ge tetsin nme kendi methu tsebwe tseryü kenyhun, tanyü tse kenyhun lo tanyü chenme nyu tse tseryü pezi pe rüshvuti.

¹⁸Hidan pe jon kerinyü rüshvu nrün kecha aphu sin-o rüshvuti.

²⁰Jonshen nyü a-ge tetsin nme kendi methu tsebwe tseryü nme, tanyü tse kenyhun, lo tanyü tse chenme nyu tseryü pezi tse pe rüshvuti.

²¹Hi pe jon keri nyü rüshvu nrün kecha aphu sin-o rüshvuti.

²³Jon zinyü a-ge tetsin nme kendi methu tsebwe tseryü, tanyü tse kenyhun, lo tanyü tse chenme nyu tseryü pezi tse pe rüshvuti.

²⁴Hi pe jon kerinyü rüshvu nrün kecha aphu sin-o rüshvuti.

²⁶Jon pvün nyü a-ge tetsin nme kendi methu tsebwe tekü, tanyü tse kenyhun lo tanyü tse chenme nyu tseryü pezi tse pe rüshvuti.

²⁷Hi pe jon kerinyü rüshvu nrün kecha aphu sin-o rüshvuti.

²⁹Jon tsero nyü a-ge tetsin nme kendi methu tsebwe tetse, tanyü tse kenyhun lo tanyü tse chenme nyu tseryü pezi tse pe rüshvuti

³⁰Hi pe jon kerinyü rüshvu nrün kecha aphu sin-o rüshvuti.

³²Jon tsenyü nyü, a-ge tetsin nme kendi methu tsebwe tsenyü, tanyü tse kenyhun, lo tanyü tse chenme nyu tseryü pezi tse pe rüshvuti.

³³Hi pe jon kerinyü rüshvu nrün kecha sin-o rüshvuti.

³⁵Jon tetse nyü kequen-o rüshvuti, lo thatho thyü loho.

³⁶Lo a-ge tetsin kendi methu tsebwe nme, tanyü tse nme lo tanyü tse chenme nyu tsenyü tse pe a-rün Npugü le a-kenyü nrün ketyüketsü rope kerüshvu hontse thyüpe a-ki shülo.

³⁷Hi pe jon kerinyü rüshvu nrün kecha aphu sin-o rüshvuti.

³⁹Hidan hile hagun nga ka, rope kerüshvu, shyeni pe kerüshvu, vainzu pe kerüshvu, lo kepvüshe kerüshvu thyü pe Npugü tsü nrün tejvu. Hile hagun le zoshwi kenjü thyüpen shü kethyü nmvue hagun kenyü nyu kerüshvu kesin.

⁴⁰Tson-o Mosa le Npugü le joho pe atsü keshü aphu pe Israel nyu temi ka zoshü.