Read Southern Rengma Naga TSIPWESWÜ 3 Bible Online

TSIPWESWÜ 3 - Southern Rengma Naga bible

TSIPWESWÜ 3

¹Npugü le Sinai kazüthun ge Mosa zenkenthon kethyü gwenkho ka Mosa lo Aaron kami le hidan hi.

²Aaron le anyu peche mizi le bin: Püshütsin gü le Nadab, Abihu, Eleazar, lo Ithamar.

³Ter lo pe yün-o thyü kenshün pe püshükeda ju thyülo,

⁴ai Nadab lo Abihu au le Sinai kazü kesi ki mah nshünkemvu pe Npugü rüshvuo sila. Au le au nyenyu ndi, tsü genyu Aaron le yhun kebin gwenkho ka Eleazar lo Ithamar au le püshükeda tho thyü.

⁵Npugü le Mosa ka zoshü,

⁶“Levi tsipwe nyu zenchwiryüo kejü pe Püshükeda gü Aaron gonyu thyü shülo.

⁷Anyugun le ale kehü Phika günyu mvulokeshvu dan lo temi süda apentha genyu püshükeda lotho dan thyüti.

⁸Anyugun le Phika gü kanyü aphu ketsen lo Israel kechanyu genyu thatho dan thyüti.

⁹Levinyu thole Aaron lo a-nyu dan lokethyü nti.

¹⁰Nle Aaron lo a-nyudan pe püshükeda lotho dan thyülo; kechanyu ligü higü tsü thyüti tse kethyü gü no siti.”

¹¹Npugü le Mosa ka zoshü,

¹²“Ntsoka we Levinyu le ahon thyüti. Ale Ijipt nyu nyuri aphu boshvu kelaka, Israel kaqün nmeme nyu nyuri gü lo senru nyuri gü thyü kenshün pe ahon thyü lo laso. Lo ntsoka Israel nyu nyuri dan pe ahon kethyü sunka ale Levinyu khilo laso; anyugun le ahon thyüti. Ale Npugü.”

¹³

¹⁴Sinai kazü kesi ki Npugü le Mosa ka johoshü

¹⁵Levinyu pfüphun lo kaqvün aphu nyu pechenyu shyeme nmvue tsüsa dan zan thu lolo,

¹⁶tson-o Mosa le tsühontse lo.

¹⁷Levi le anyu peche mishen bin: Gershon, Kohath lo Merari tsüle pvüphun zan kepfü anyugun pvübon dan. Gershon le peche mihvu bin Libni lo Shimei; Kohath le peche mizi bin: Amram, Izhar, Hebron lo Uzziel; lo Merari le peche mihvu bin: Mahli lo Mushi. Tsüdan le anyugun zan sen kehü kami pvübon dan.

¹⁸

¹⁹

²⁰

²¹Libni lo Shimei kaqvün tsü pe Gershon pfüphun thyülo.

²²Pechenyu shyeme nmvue tsüso zan thu kelo aphu le temi 7,500.

²³Pfüphun higü no Phika gü nkhün zin nsen ti,

²⁴Lael nyugü Eliasaph no anyu pfüphun sharhi thyü.

²⁵Anyugun tho le Phika gü, a-nyuzin kehen, a-sozin kehen, khenpvü kesunphi,

²⁶Phika gü te kehun phisüden pe kamhun kesun lo kershvubin lo kamhun nyu keyü khenpvü kesun phi tha hidan genyu mvulo keshvu tsü aphu anyugun le ketsen ti.

²⁷Amram, Izhar, Hebron lo Uzziel kami tsü pe Kohath pfüphun thyülo.

²⁸Pechenyu shyeme nmvue tsüso zanthu kelo aphu kerhün le temi 8,600.

²⁹Pfüphun higü le Phika gü tesinzin nsen ti,

³⁰Uzziel nyu gü Elizaphan no pfüphun sharhi thyü.

³¹Anyugun tho le Kejozenkelo Khinpha, miz, makenben kedubin, kershvubin dan, püshükedanyu le Kenshün Tsin bin nyu sen kehü lalü dan lo Kenshün Tsin bin nyu keyü khenpvü kesun tha hidan genyu mvulo keshvu aphu ketsen ti.

³²Lo Levinyu sharhi le püshükeda gü Aaron nyugü Eleazar. A-no kenshün bin gü nyu tha tho kethyü nyu dan keshwi gü thyüti.

³³Mahli lo Mushi kami tsü pe Merari pfüphun thyülo.

³⁴Pechenyu shyeme nmvue tsüso zan thu kelo aphu kerhün le 6,200.

³⁵pfüphun higü le Phika gü tesozin nsen ti, Abihail nyugü Zuriel no pfüphun sharhi thyü.

³⁶Thatho pe anyugun ketsü le Phika gü karun, kenpere, kachon, kachon phasin lo tsü pe keren kethyü aphu. Tha hidan genyu mvulo keshvu tsü aphu anyugun le ketsen ti.

³⁷Anyugun le kachon, kachon phasin, tsekesü lo kamhun zin kipon genyu ron hidan ko ketsen ti.

³⁸Mosa, Aaron lo anyudan le Phika mhundyü nyu npho zin nsen ti. Anyugun le Israel nyu genyu Kenshün Bin nyu lotha dan thyüti. Kechanyu ligü higü tsü thyüti tse ndo kethyü nyu no siti.

³⁹Npugü le johokeshü ka Mosa le Levinyu pechenyu shyeme nmvue tsüso pfüphun thyü zan thu kelo aphu kerhün le 22,000.

⁴⁰Npugü le Mosa ka zoshü, “Israel nyu peche nyuri aphu ahon. Tsügenyu Israel nyu peche nyuri shyeme nmvue tsüso aphu zan thulo. Ai tsüdan sunka Levinyu aphu ahon letse ale nkhen bin nyo! Ale Npugü! Ale senru nyuri dan aphu sunka Levinyu senru ko nkhen bin nyo.”

⁴¹

⁴²Mosa le Npugü zozen-o peche nyuri aphu zan thulo

⁴³shyeme nmvue tsüso: kerhün keshü le 22,273.

⁴⁴Npugü le Mosa ka zoshü,

⁴⁵“Israel nyu nyuri nyu aphu sun ka Levinyu thyükenshün pe atsü shülo, lo Israel nyu senru nyuri aphu sunka Levinyu senru thyü kenshün pe atsü shülo.

⁴⁶Israel nyu peche nyuri 273 le Levinyu nyechon kela si genyu, hagun le peche nyu nyu kerüche hei mvulo shvu.

⁴⁷Temi nme genyu me rakagi ha ka pvün pe a-mi thyüo,

⁴⁸pisa hi pe Aaron lo anyudan tsülo.”

⁴⁹Mosa le Npugü jozen-o khilo

⁵⁰rakagi 1,365,

⁵¹tson-o pe Aaron lo anyudan tsüla.