Read Southern Rengma Naga TSIPWESWÜ 34 Bible Online

TSIPWESWÜ 34 - Southern Rengma Naga bible

TSIPWESWÜ 34

¹Npugü le pe Mosa tsüshü

²Israel nyu no then mvulo keshvu dan: “Hagun le ale pe hagun tsü kebin Kanan kazü nyu yülo, terhi le hihontse ti.

³Tesin zin terhi le Edom nyu terhi Zin tehenyhunkemvu gü keti. Npho zin le Züda kesi gü tesin kipon a-keni gerho.

⁴Tson-o tesin zin Akrabbin kazü kenchon nyu tse Zin ka nshe gü tesin zin Kadesh Barnea titi. Lo teso--nkhün zin Hazar Addar ka gü Azmon,

⁵tsüka kezüni gü Ijipt nyu terhi ka Zunpha nyu tse gü Mediterranean titi.

⁶“Mediterranean Zida pe nkhün zin terhi thyüti.

⁷“Teso kipon terhi le Mediterranean ka nsin gü Hor kazüthun

⁸ki tsüka gü Hamath kazükenchon ti. Tson gü Zedad

⁹lo Ziphron ti, a-keni le Hazar Enan gerho.

¹⁰“Npho zin terhi le Hazar Enan ka gü Shepham keti.

¹¹Tsüle tesin zin gü Harbel, Ain npho zin lo Galil zi se npho zin rincho dan keti,

¹²lo tesin zin le Jordan züri then tsügü Kesi Zida ti. “Hipe hagun kazü quenzi terhi thyüti.”

¹³Tson-o Mosa le Israel nyu ka zoshü, “Npugü le pe hagun tsipwe teküo ponha dan tsü kela kazü gü hi hagun henkeshwi thyüo kenjün lo.

¹⁴Reuben, Gad lo Manasseh npho zin kebin tsipwe ponha tse le kami then-o anyugun jün kenjün lo laso,

¹⁵Jordan pere zin Jeriko kepen ka.”

¹⁶Npugü le Mosa ka zoshü,

¹⁷“Püshükedagü Eleazar lo Nun nyugü Joshua au le kazü gü kenjün pe temi dan tsüti.

¹⁸Lo au cheo tsü kenjün nrün genyu tsipwe nme ka sharhi nmeme zenlo.”

¹⁹Hile Npugü le kejü kelo temi dan: [Tsipwe] — [Sharhi] Juda — Jephunneh nyugü Kaleb Simeon — Ammihud nyugü Shelumiel Benjamin — Chislon nyugü Elidad Dan — Jogli nyugü Bukki Manasseh — Ephod nyugü Hanniel Efraim — Shiphtan nyugü Kemuel Zebulun — Parnach nyugü Elizaphan Issachar — Azzan nyugü Paltiel Asher — Shelomi nyugü Ahihud Naftali — Ammihud nyugü Pedahel

²⁹Temi hidan hile Npugü le Kanan kazü kenjün pe Israel nyu tsü shülo tse tenyen keshü dan.