Read Southern Rengma Naga TSIPWESWÜ 7 Bible Online

TSIPWESWÜ 7 - Southern Rengma Naga bible

TSIPWESWÜ 7

¹Mosa le Npugü kehü Phika gü thyüpen kelo nyü ter pe Phika gü, tsü kanyü aphu, kershvubin, lo tsü kanyü aphu yün-o thyükenshün lo.

²Tson-o Israel nyu tsipwe ka pfüphun sharhi kentsen, temi swükeshü dan le,

³kerüshvu sen Npugü kiryü: gari tsero lo methu tse tseryü kenyhun, sharhinyu mihvu genyu gari nme lo sharhinyu nme genyu methu tse nme. Anyugun le lesü khikeshü siki,

⁴Npugü le Mosa ka zoshü,

⁵“Phika gü ka lotha nyu sen nrün genyu jwe hidan khilo; njüo Levinyu no thatho thyü nrün genyu pe anyugun tsüshülo.”

⁶Tson-o Mosa le gari lo methutse dan pe Levinyu tsüla.

⁷A-le gari kenyhun lo methu tse pezi pe Gershon nyu tsü,

⁸lo gari pezi lo methu tse tetse pe Merari nyu tsü. Anyugun tho aphu Aaron nyugü Ithamar hensin nyu thyü kü ti.

⁹Ai Mosa le gari nmvue methutse nme-e pe Kohath nyu tsümvu, kenshün kanyü anyugun le ntsen kehü dan tsü pen nrün genyu.

¹⁰Sharhi dan le kershvubin gü thyünshün kethyü kehun genyu kerüshvu dan ko senryü. Anyugun le jwe pe kershvubin ka shü titse nda kelo ka,

¹¹Npugü le Mosa ka zoshü, “Jonryü kenyhun jaka khenyütsen sharhi nmeme no kershvubin thyü kenshün kethyü genyu a-jwe khi shüti, tse anyugun ka zoshülo,” tsonshü.

¹²Anyugun le hihontse kekhinkeri thyüo kerüshvu hoshü: [Jon] — [Tsipwe] — [Sharhi] 1 — Juda — Amminadab nyugü Nahshon 2 — Issachar — Zuar nyugü Nethanel 3 — Zebulun — Helon nyugü Eliab 4 — Reuben — Shedeur nyugü Elizur 5 — Simeon — Zurishaddai nyugü Shelumiel 6 — Gad — Deuel nyugü Eliasaph 7 — Efraim — Ammihud nyugü Elishama 8 — Manasseh — Pedahzur nyugü Gamaliel 9 — Benjamin — Gideoni nyugü Abidan 10 — Dan — Ammishaddai nyugü Ahiezer 11 — Asher — Ochran nyugü Pagiel 12 — Naftali — Enan nyugü Ahira Kerüshvu nmeme le sen keryü le a-ken meme: mehaka rakagi khun a-kensu le kilogram nmeo gram pvün lo rakagi khunda a-kensu le gram tsi tetse, shye pe kerüshvu genyu khun kenyhun nren tho pe ter ka kerhün kethyü pe süto tse; tharün kegwa pe sü kethyü suna khun nme a-kensu le gram tsio tseryü; rope kerüshvu genyu methu tsebwe nme, tanyü tse nme, lo tanyü chenme nyu nme; kemu genyu kerüshvu tenyü nme; lo kepvüshe kerüsh(...)

⁸⁴Sharhinyu mi tseryü kenyhun le kershvubin gü thyü kenshün nrün genyu kerüshvu sen keryü kerhün keshü le hihontse: — rakagi khun tseryü kenyhun lo rakagi khunda tseryü kenyhun kerhün keshü kensu le kilogram nkio tsenyüo gram tsero. — Suna khun tseryü kenyhun kensu le kilogram nmeo gram shenryü kenyhun, lo tharün kegwa pe tsüdan sü. — methu tse tseryü kenyhun, tenyü tse tseryü kenyhun, tanyü chenme nyu tseryü kenyhun, tsüpe rope kerüshvu thyü nrün genyu shye pe kerüshvu sin. — kemu genyu kerüshvu tenyü tse tseryü kenyhun — kepvüshe kerüshvu genyu methu tse nkipezi, tanyü tse hen- tsero, tenyü tse hentsero, tanyü chenme nyu hentsero.

⁸⁹Mosa le Phika günyu Npugü nthon kegü ka, Npugü le Kejozenkelo Khinpha soge cherubin hvu janyu shwikenjünbin ge a nthon kethyü khwe nyülo.