Read Southern Rengma Naga MIKAH 3 Bible Online

MIKAH 3 - Southern Rengma Naga bible

MIKAH 3

¹Israel kekvu kesendan, nyüshülo! Hagun le joketsinkesen kipon hagun nyun shüzü,

²ai hagun le kegwagü nrhio gwa kemvu gü sohü. Hagun le atemi kerhün ka anyugun gi yho lo anyugun ru gen a-tsi tsolahü.

³Hagun le atemi tyü lahü. Hagun le anyugun gi yho, anyugun ru dukhalo-o pe la ka shü nrün hontse hensijün lahü.

⁴Hagun le chüo Npugü ka hi nrün gwenkho le ryüti, ai a-le hagun kehi nyü loho, hagun le gwa kemvu thyü kela genyu.

⁵Atemidan le, sidyükeshanyu mele anyugun shün thyü titse zokeshü nyu ka gwaketho zope tsü, lo kemvunyu ka teri zope kedün kehünyu no anyugun salaso. Sidyükesha tsüdan ka Npugü le zo,

⁶“Sidyükeshaju, hagun jon le ndigüjütsin laso, yhüko le hagun gen che güjü laso. Hagun le atemi tsontsin kecha kehü genyu hagun no sidyükesha tsemin binsin lohoso, lo hagun le sidyüjo nme-e zosin lohoso.”

⁷Ryükejü rüla thokehünyu le zokenjü thyüpen mvukela genyu kejopvü lati. Sunggigü le anyugun jokeni kemvu genyu anyugun le kemeni lati.

⁸Ai agenyu we, Npugü le a-kapu lo kekvu pe akesü thyü, lo joketsin zolokegwa kensü lo Israel temi kemu tsin pe hilo kegwa kepeche pe atsü hü.

⁹A khwenyü shülo. hagun Israel kekvu kesen dan, hagun joketsin kesen shwinyü mvu lo kenjü gü pe njü kemvu thyü kehü ju.

¹⁰Hagun le medukeshvu lo joketsin zokemvu pe binzen-o Sunggigü nyida, Jerusalem thyü bin nyo.

¹¹Nyida ketsenkehü nyu le jvujwe genyu kekvu sen, Peshükedanyu le anyugun shün genyu tejvu zokela, sidyükeshanyu le pisa genyu teshakeshü zo-tson-o anyugun aphu Npugü le anyugun senhü letse zohü. Anyugun le zo, “Npugü le agun zenhü, thame kenshvu le agun gen ryü loho.”

¹²Tsügenyu, hagun genyu Zion le low hontse tsokebunla, Jerusalem le nkeshüla, lo Kershvuka bin rincho gü tsüle tehen thyü lati.