Read Southern Rengma Naga NAHUM 2 Bible Online

NAHUM 2 - Southern Rengma Naga bible

NAHUM 2

¹Nineve, nle meno nhunlo laso! N kenjün khola nrün kekvugü le ryü laso. Temi no ndolo! Tson nyu rikhun lo! Teri genyu ndolo gwen!

²(Israel shwikerüchün nyu le a-nke kela mhundyü zankechwi gütsü Npugü le sen niryü a-tsüti tse bin laso.)

³Shwikerüchün nyu shüpahü ju le gida lo keme kethyü phinya kenhon pvülo laso. Anyugun le when nrün genyu ndo loso! Anyugun terikeru le mah hontse nshwen bin! Anyugun keru le nchwü binso!

⁴Terikeru dan le nyida tsonda nyu tingü, nyida gü lvu nyu tin nsin nshe binnyo. Anyugun le mah kenben hontse nshwen lo tsangkekechwü hontse tin bin.

⁵Mele kedanyu ko; anyugun le mhundyü tin-o anyugun pha nsü. When kehü nyu le tinsen-o chwida kigü lo chwida vüren nrün gü genyu gida kensu penso bin.

⁶Züri khoka khinrun dan le khinshe nmhe sabin; raja bin le kenshvu le sübin.

⁷Rajanu tenzen-o dothyü tinla: a-gonyu le nsu hontse khun lo nyun kenjün thyüo anyugun nyun jenbin.

⁸Ndün kenjü zü phe keshü hontseo Nineve nyu temi le tin bin! Mele nrao, “Sunlo! Sunlo!” tsebin ai nme-e ranishü mvu.

⁹Rakagi kechala lo! Suna nke lalo! Nyida nyu kenya le sübin le!

¹⁰Nineve nke laso, khe laso, kecha thyü laso! Temi nyun le nshvu pe zun la; a-kho ndün, kenko le ndi la; temi dan mhun le metsen laso.

¹¹Shünyho dan kü hontse kebin, Shünyho nyu dan leyi kehü bin, Shünyho peche lo tenu-e gü kehü lo a-nyu ntsenlo kehü nyida gü tsü dikipon la sela?

¹²Shünyho gü le thyü tünlo-o süthürü pe hilü lo anyu dan genyu a-kü kesü thyü laso.

¹³Kekvutsin Npugü le zo, “Ale nshwikerüchün nyu!” “Ale hagun terikeru ro lati. Hagun shüpahü dan le teri nyu boshvula, tson-o nle meka khikelo lihie khisen tin lati. Kazü nyu nkekvu rüla nyüsin mvu lati.”