Read Southern Rengma Naga ZEKARIA 13 Bible Online

ZEKARIA 13 - Southern Rengma Naga bible

ZEKARIA 13

¹“Tsü gwünkho le ryülo” Kekvutsin Npugü le zo, “David tsipwen lo Jerusalem temi dan kemu lo teromen kerüshvu nyu anyugun thyü nshün la nrün genyu zülvu nme khinshe shüti.

²Tsü gwünkho ka ale kazü günyu teromen dan zan khi lati, tson-o temi nme no tsü rüchün sin loho. A-le sidyükeshanyu le tse kehü nyu aphu ale khipe shwen lao teromen rüshvu nyü kethyü tsü sen tin lati.

³Tson-o ligü higü tenge tse sidyüjo zolo, a-no sila mvuloshvu tse a-pvü a-jvü nyu le a-ka zoti, a-le Npugü jo zobin nle tseo kenku jo kezo genyu. A-le sidyüjo zo shülo, a-pvü lo a-jvü le a-jenshvu lati.

⁴Tsü gwünkho le ryülo, sidyükeshanyu nme-e a-tsemin genyu ketekho, sidyükeshanyu hontse thatho thyü, nmvue mesa nrün genyu sidyükeshanyu phinya tsü ben nya loho.

⁵Anyugun le, ‘Ale sidyükesha kemvu. Ale low ketsünyu, ale a yhunthen low tsü hü nle’ tse zoti.

⁶Temi peha le a-ketson-o, ‘Nyu thyüo nnyun ki kenki shvu le bin nla?’ tson yatselo a-le, ‘A pfünyu kaki mele a kevü shvu le’ tse zoti.”

⁷Kekvutsin Npugü le zo, “Soryülo zhethon, tson-o agenyu thatho thyü kehü tanyü kekhwe gü whelo! A-dushvu lalo tanyü dan le nrenru tin lati. Ale a temi ntsun ti

⁸lo kazü günyu temi jünshen ka jünhvu le si lati.

⁹Lo ale rhünkebin jün shen jünme tsü kegwakeshvu shwio mah nyu rakagi thyü nshün la kehü hontse anyugun thyü nshün loti. Tson-o anyugun le aka hiti lo ale anyugun kehi kenishü ti. Anyugun le atemi letse ale anyugun ka zoshü ti, lo ale anyugun Sunggigü letse anyugun le zoshwi ti.”