Read Southern Rengma Naga ZEKARIA 5 Bible Online

ZEKARIA 5 - Southern Rengma Naga bible

ZEKARIA 5

¹Ale nri nishü laryü, lesü swü nme le tsangneki nye kebin hyu shü.

²Lilo gü le ale nyu hyuyo tse aketso shü: Tsontsin ale a-jokenishü, “Lesü swü nme le tsangneki nye bin, a-kethon le miter tekü lo keda le miter pezi-o peha tse le.”

³Tsüselo a-le aka zoshü, “Tsüge--kazü apentha nyu gun nrün shochün dan thu binnle. Peha zin le kazü nyu kerühu nyu aphu khila ti tse zobin; lo kechazin zo kenjü le nkü-o swe kehü nyu ko aphu sentin lati tse njü.

⁴Kekvutsin Npugü le zobin, a-le shochün higü nishwi shüti, lo tsüle kerühu nyu lo nku-o swe kehünyu aphu kanyu yüti. Tsüle anyugun kanyu bin ti, tson-o anyugun nke lati.”

⁵Lilo gü le nichwiryüo, “Shwishü! Tha peha le niryü jü nle!” tse zoshü.

⁶“Nyula?” tse ale ketsoshü. A-le a jokenishü, “Tsüle rokhu nme, lo tsüle kazü apentha kemu sunka bin nle.”

⁷Rokhu gü le gin pe a-kesen thyü. Ale nribin laryü a-kesen gü penso shü ntsin tenu nyu nme le rokhu tsügü nyu dun bin!

⁸Lilo gü le zoshü, “Tenunyu higü hile serikemvu zansü le.” Tson-o a-le tsügi chwenketo pe rokhu günyu shüo a-kesen pe sen nila.

⁹Ale ngiso shü laryü zügü hontse a-sekin kvusa kepfü tenunyu mihvu le nyeo akipon ryü kejü hyulo. Au le rokhu gü ndu pen-o tinla.

¹⁰Ale lilo gü ketsoshü, “Au le tsü sen-o dikipon gü jü nla?”

¹¹A-le a jokenishü, “Sen-o Babilon ki gü, anyugun le tsü genyu kershvuka thyüti. Kershvuka gü thyüpen lalo, rokhu gü rüshvu nrün genyu pe tsünyu bin lati.”