Read Southern Rengma Naga MALAKI 4 Bible Online

MALAKI 4 - Southern Rengma Naga bible

MALAKI 4

¹Kekvutsin Npugü le zo, “Ketekho kehü lo gwakemvu nyu aphu npenkon hontse khipe rola nrün jon güle ryüjü. Tsü jon nyü anyugun ro lati, anyugun nme nsen shü loho.

²Ai hagun ajozen kehü nyu we, akipon kenikelo kekvu le yhüko hontse chwiryüo yhüko tson hontse hagun thyü kesherhün shüti. Methu binnyu methunyu shwü keshü hontse hagun hoshü lao shekerhün thyüti.

³Ale thathyü keso nyü hagun le serikemvu gü nyekvu lo-o anyugun le hagun phasin ki kenphü hontse lati.

⁴“Ale Israel nyu temi aphu no zen hü lotse Sinai kazüthun ge pe a-tsü keshü ago gü Mosa senkethyü, tejvü, lo johokeshü dan rüchün hülo.

⁵“Ai Npugü jon keda lo ketetsin kethyü gü le keryü mhundyü, ale sidyükesha gü Elijah nipe hagun ki shüti.

⁶A-le mepvünyu lo me nyenyu zenryü kequen nishüti; tson mvu yatse kethyü we ale hagun kazü nke lati.”