Read Southern Rengma Naga MATHI 1 Bible Online

MATHI 1 - Southern Rengma Naga bible

MATHI 1

¹Abraham nyu le David, David nyugü Jisu Khrista bon nyudan zan kethu lesü le higü hi.

²Abraham nyu le Isak, Isak nyu le Jakob, Jakob nyu le Juda lo a-tsagü sikezen nyu dan.

³Lo Tamar tenugi ge Juda nyu Perez lo Zera au nnyulo; lo Perez nyu le Hezron, Hezron nyu le Aram.

⁴Aram nyu le Aminadab, Aminadab nyule Nashon, Nashon nyu le Salmon.

⁵Lo Rahab tenugi ge Salmon nyu Boaz nnyulo, lo Ruth tenugi ge Boaz nyugü Obed nnyulo; lo Obed nyule Jese;

⁶Jese nyu le David Raja gü.

⁷Lo nduka Uria nu ge David nyugü Solomon nnyulo, lo Solomon nyu le Rehoboam, Rehoboam nyu le Abija, lo Abija nyu le Asa.

⁸Lo Asa nyu le Jehoshafat, Jehoshafat nyu le Jehoram, Jehoram nyu le Uzzia,

⁹Uzzia nyu le Jotham; Jotham nyu le Ahaz; Ahaz nyu le Hezekia,

¹⁰lo Hezekia nyu le Manase; Manase nyu le Amon; Amon nyu le Josia.

¹¹Tsüselo anyugun tenzen-o Babilon ki kegun gwünkho ka Josia nyugü Jekonia lo a-tsasikezen nyu dan nnyulo.

¹²Lo anyugun tenzen-o Babilon nyu gunkelo siki Jekonia nyugü Shealthiel nnyulo; Shealthiel nyu le Zerubbabel.

¹³Lo Zerubbabel nyu le Abiud; Abiud nyu le Eliakim; Aliakim nyu le Azor.

¹⁴Azor nyu le Zadok; Zadok nyu le Akim; Akim nyu le Eliud.

¹⁵Eliud nyule Eleazar; Eleazar nyu le Mathan; Mathan nyu le Jakob.

¹⁶Lo Jakob nyu le Maria nyepvü Josef; lo Maria ge Jisu Khrista tse kethyü gü nnyulo.

¹⁷Hihontse Abraham phou ka gun gü David keti le phou tseryü pezi; lo David phou ka gun gü anyugun tenzen-o Babilon ki kegun keti ko phou tseryü pezi; lo anyugun tenzen-o Babilon ki kegun ka gun gü Jisu Khrista keti le phou tseryü pezi.

¹⁸Lo Jisu Khrista kenyu le hihontse. A-jvü Maria lo Josef au no kengü bin titsela; lo au sunthyü kelo mhundyü Kenshün Kapu nyuphou pfü kehü shalo la.

¹⁹Tsontsin a-nyepvü Josef le kentsen nyu nme kethyü genyu, süda mhundyü a-no keja pfüla nyu mvuo, kebuo khela titse bin.

²⁰Ai a-le jo tsü rüchün kebin ka, hire, a-minki Npugü lokethyünyu nme le a-ki ryüo, David nyugü Josef, “Nle nnu Maria tsü lo nshvu nya chi; kechamvule a-le nyuphou pvü kebin tsüle Kenshün Kapu nyu kethyü genyu.

²¹Lo a-le pechenyu nme nnyu loti, lo nle a-zan pe Jisu tholo nye; kechamvule a-le a-temi kemu nyu anyugun kenilo ti.”

²²Tsü rüla Npugü le sidyükesha gü no zokeshü dan thyü penlo,

²³“Hire, lünyu tsügi le nyuphou pvülo njüo pechenyu nme nnyulo ti, lo a-zan thope Imanuel thyü ti,” (a-kon le, “Sunggigü le Nzan bin laso”).

²⁴Tsüselo Josef le chonsoryüo Npugü lokethyü gü le a-ka kezo hontse Maria tsü lolo la.

²⁵Ai nyu tsügü nnyulo kemvuthen a-le a-nu zen-o peche tenu jvü tsü thyümvu. Tsüsiki nyu tsügü zan pe Jisu tholo.