Read Southern Rengma Naga 1 THESSALONIANYU 1 Bible Online

1 THESSALONIANYU 1 - Southern Rengma Naga bible

1 THESSALONIANYU 1

¹Paul, Silvana lo Timothi tse anyugun le khipe Npvü Sunggigü lo Npugü Jisu khrista nyu kebin Thessalonia nyu kehun tsü shü: shwikenjün lo nyun kebwen no hagun ge bin kelo gü thyülo.

²Agun le agun kehi kethyü aphu nyu hagun rüla zo-o hagun aphu genyu Sunggigü shwen zin bin hünyo.

³Ale hagun le ngun Sunggigü lo Npugü mhundyü nyu ketenyen tho lo keso tho thyü kehü lo ngun Npugü Jisu Khrista kipon hagun sidyü rüchün ton bin kehü tsü rüchün bin hünyo.

⁴Kechamvule Sunggigü so kepvü n pvünyu dan, hagun kejülo kela ale shabin nyo.

⁵Kechamvule ale zo kehü jolokegwa gü le hagun ka keryü le jo kezo nti mvu, ai kekvu nyu lo Kenshün Kapu nyu lo meno sha ntsen kelo jole; lo hagun phin kerüchün genyu ale dihontse kethyü nyu ale ajvü arüla nyu tsinshü yo hagun le shabin nyo.

⁶Lo hagun le kenjün thyüsa kethyü nyue Kenshün Kapu nyu hagun nyun kenyü thyü agun-e lo Npugü ro-e thyülo so.

⁷Tson-o Makedonia nyu lo Akaya nyu ketenyen nyu aphu mhundyü nyu hagun le tsinhi nme thyülo.

⁸Kechamvule Npugü jo gü le hagun ka zoshwi chwiryü tsekethyü Makedonia lo Akaya nyu nti mvu, ai hagun le Sunggigü tenyen kehü lihiki-e mele sha kü gunla so, tsügenyu we ale thame zomvue gwa.

⁹Lo tsüdan n pvüe ale hagun ki keryü ka hagun le dihontse a zenlo yo tsekethyü, lo hagun le dihontse teromen kezü nyu ranilo-o rhün kehü lo ketsin Sunggigü kipon ryülo yo tsekethyü,

¹⁰lo tsangge tsüryü nrün a-nyugü khwen binla sele tsekethyü, n gun rüla kera tin laso. Lo tsüle a-le kesinyu thyü nrhün kelogü, lo hisiki n ge ryü nrün nyun kekhü nyu n kenikelo gü Jisu le.