Read Southern Rengma Naga JOSHUA 16 Bible Online

JOSHUA 16 - Southern Rengma Naga bible

JOSHUA 16

¹Josef tsipwen ketsü kazü gü terhi tesinzin le Jeriko khoka Jordan nyu Jeriko zükenthün npho ka gü kazü kesi, lo Jeriko ka bin-o rincho ki gü Bethel keti.

²Bethel ka gü Luz, Ataroth Addar nken sen tse Arkit nyu le yhun kehü kazü ka ryü.

³Tson-o Japhlet nyu kazü nyu gü Beth Horon tesin gü ti. Tson sen-o Gezer nyu güo Mediterranean zida ka keni thyüla.

⁴Josef tsipwen Efraim lo Manasseh nkhün zin kebin dan le anyugun jün kazü higü hyulo.

⁵Efraim kami dan terhi le hi: anyugun terhi le nphozin Ataroth Addar ka gü Beth Horon teso gü,

⁶lo tsüka gü Mediterranean zida keti. Tesozin le Mikmethath. Nphozin terhi le Taanath Shiloh nken-o Janoah nphozin gü.

⁷Tson-o Jonoah ka tesonio Ataroth lo Naarah ka gü Jeriko tio Jordan gerho keni thyüla.

⁸Lo nkhün zin terhi gü le Tappuah ka gü Kanah rinyu ka güo Mediterranean zida ka keni thyü. Efraim kami no a-hon thyü lotse khikeshü kazü gü le hi gü hi,

⁹Manasseh terhi ki kebin nyida lo nyishwe peha sin, ai pe Efraim nyu tsüla.

¹⁰Ai anyugun le Gezer nyu kebin Kanan nyu hü shwi lamvu, tsü genyu Kanan le Efraim dan nyu yhun ryü nthu ti bin, ai anyugun no do hontse anyu kemvu thyü pe thatho thyü bin nyo.