Read Southern Rengma Naga JOSHUA 19 Bible Online

JOSHUA 19 - Southern Rengma Naga bible

JOSHUA 19

¹Kenyhun gü le Simeon tsipwen kami jün thyü pe tsüshü. Anyugun kazü le gü Juda kazü keti.

²Tsüle Beersheba, Sheba, Moladah,

³Hazar Shual, Balah, Ezem,

⁴Eltolad, Bethul, Hormah,

⁵Ziklag, Beth Markaboth, Hazar Susah,

⁶Beth Lebaoth, lo Sharuhen: nyida tseryü kenshen pe tsü kehun rünyi dan kesin.

⁷Lo Ain, Rimmon, Ether, lo Ashan: nyida pezi lo tsü kehun rünyi dan ko.

⁸Hile nshegü tesinzin Baalath Beer (nmvue Ramah) keti nyida hidan kehun rünyi a phu. Simeon tsipwen kami le gwen titse hyukelo le kazü higü hi.

⁹Juda ketsü kazü le anyu genyu gonri kethyü genyu tsü peha pe Simeon tsipwen tsüla.

¹⁰Kenshen gü le Zebulun tsipwen kami jün thyü pe tsüshü. Anyugun le hyukelo kazü gü le gü Sarid keti.

¹¹Terhi gü le tsüka tse nkhünzin Mareal ka güo Dabbesheth lo Jokneam nphozin rinyu ti.

¹²Sarid nyu kipon le Chisloth Tabor terhi nphozin gü Daberath lo Japhia ka gü.

¹³Tsünyu nphozin gü Gath Hepher lo Ethakazin tio, kezünio Rimmon ki kegü tson Neah denzin güla.

¹⁴Tesozin terhi le kezüo Hannathon kipon güo Iphtahel ketejon ka keni thyüla.

¹⁵Tsüle Kattath, Nahalal, Simron Idalah, lo Bethlehem tse sin: nyida tseryü kenyhun lo tsü kehun rünyi dan.

¹⁶Zebulun kami le gwen titse hyukelo le nyida lo nyishwe hidan le kebin kazü.

¹⁷Pezi gü le Issakar tsipwen kami jün thyü pe tsüshü.

¹⁸Tsüle Jezreel, Chesulloth, Shunem,

¹⁹Hapharaim, Shion, Anaharath,

²⁰Rabbith, Kishio, Ebez,

²¹Remeth, Engannim, Enhaddah lo Bethpazzez lojvü pe sin.

²²Terhi le Tabor, Shahazumah lo Bethshemesh ka güo Jordan ka a-keni thyü. Tsüle nyida tseryüo tsero lo tsü kehun rünyi dan sin.

²³Issakar tsipwen kami le gwen titse hyukelo le nyida lo nyishwe hidan le kebin kazü.

²⁴Pvün gü le Asher tsipwen kami jün thyüpe tsü shü.

²⁵Tsü le Helkath, Hali, Beten, Achshaph,

²⁶Allam, Melek, Amad, lo Mishal. Nkhünzin le Karmel lo Shihor Libnath.

²⁷Kezünio npho zin Bethdagon ka güo Zebulun lo Iphtahel ketejon ka tse sen-o Bethemek lo Neiel ki kegü tson sozin gü. Tsüka Kabul sozin gü,

²⁸Ebron, Rehob, Hammon, lo Kanah ka gü Sidon ti.

²⁹Tson-o terhi gü le tsüka kezünio Ramah kipon gü chwida khwen pe hun kethyü Tur nyida ti; tsüka kezünio Hosah ka güo Mediterranean zida ka keni thyüla. Tsü le Mahalab, Achzib,

³⁰Ummah, Aphek lo Rehob pe sin: nyida nkio tsero lo tsü kehun rünyi dan sin.

³¹Asher tsipwen kami le gwen titse hyukelo le nyida lo nyishwe hidan le kebin kazü.

³²Tsero gü le Naftali tsipwen kami jün thyü pe tsüshü.

³³Anyugun terhi le Heleph ka gü Zaananim teshobin ka tse sen-o Adaminekeb lo Jamnia ka gü Lakkum tio Jordan ka keni thyüla.

³⁴Tsüka kezüni sen-o Aznoth Tabor nkhün zin gü, tsünyu tse Hukkok nyu güo tesinzin le Zebulun, nkhün zin Asher, lo npho zin Jordan tsela.

³⁵Chwida kebin nyida le: Ziddim, Zer, Hammath, Rakkath, Chinnereth,

³⁶Adamah, Ramah, Hazor,

³⁷Kedesh, Edrei, Enhazor,

³⁸Yiron, Migdalel, Horem Bethanath, lo Beth Shemesh: nyida tseryü tekü lo tsü kehun rünyi dan.

³⁹Naftali tsipwen kami le gwen titse hyukelo le nyida lo nyishwe hidan le kebin kazü.

⁴⁰Tsenyü gü le Dan tsipwen kami jün thyü pe tsüshü.

⁴¹Tsü lojvü le Zorah, Eshtaol, Irshemesh,

⁴²Shaalbim, Aijalon, Ithlah,

⁴³Elon, Timnah, Ekron,

⁴⁴Eltekeh, Gibbethon, Baalath,

⁴⁵Jehud, Benebarak Gathrimmon,

⁴⁶Mejarkon, lo Rakkon lo Joppa kehun kazü sin.

⁴⁷Dan temi kazü le anyu genyu nrün rilao gü Laish whe. Tson-o anyugun le tsü lolo njüo temi dan dushvu lao ka-zü pe anyu hon thyülo. Anyugun le tsünyu binlo-o Laish nyida zan thokela pe anyugun bon Dan zan tho lola.

⁴⁸Dan tsipwen kami le gwen titse hyukelo kazü günyu nyida lo nyishwe hidan le bin.

⁴⁹Israel nyu le kazü gü kenjün bulo ntsin, anyugun le kazü jün me pe Nun nyugü Joshua no a-hon thyü lotse khishü.

⁵⁰Npugü le johokeshü hontse anyugun le a-le hikeshü nyida gü pe a-tsü; Efraim rincho ki Timnah Serah. A-le nyida gü thyü nilo-o tsüka bin lo.

⁵¹Püshükeda gü Eleazar, Nun nyugü Joshua, lo Israel nyu kami sharhi ju le Shiloh nyu Npugü kehü phika kenpfü ka Npugü zen kegwenshao whe shwio kazü gü kenjün. Hihontseo anyugun le kazü gü kenjün penlo.