Read Southern Rengma Naga 1 JOHAN 1 Bible Online

1 JOHAN 1 - Southern Rengma Naga bible

1 JOHAN 1

¹Sokeri kanyu kehü nle nyülo kela, nyhütyü pe hyu kela, nle nri lo nben-e pe kesü kela gü, tsüle kerhün jo gü rüla le.

²LO kerhün tsügü pe mehi shü laso, lo ako tsü hyu laso tson-o a-rüla zo hü nyo; lo kethonthen kerhün Pvügü zenbin kehü gü tsüle atesha keshü rüla zope hagun hi hü nle.

³Hagun ko no a-zen kepfüshen lo nrün genyu ale hyu lo nyü kelo rüla zope hagun hishü le. Lo ngun kepfüshen hile Pvügü lo Npugü Jisu Khrista zen-o kepfüshen hünyo.

⁴Lo ngun kekenyü no penlo nrün genyu agun le hi thu pe hagun tsüshü bin nyo.

⁵Agun le a-kanyu nyü lo-o pe hagun ka zo keshü jo gü le Sunggigü le keben lo akanyu kezün nme ndi.

⁶Ngun le a-zen kepfüshen hü nle tse zo hüo kezün nyu hüya tselo ngun le nku hünyo lo ketsin nyu hümvu.

⁷Ai a-le keben nyu kehü hontse nne keben günyu hüya tselo nne khinyunyu zen-o kepfüshen hünyo, lo a-nyugü Jisu zi le kemu aphu nyu nthyü kenshün shü hünyo.

⁸Nle nkemu ndi letse hüya tselo nle n npvü nsa kehü gwünzin, lo ketsin güle ngun ge ndi.

⁹Nle nkemu dan zoshwishü yatselo a-we ketsin lo kenjü nyu nkemu dan jü shüti lo ntsenserikemvu aphu nyu nthyü kenshün loti tse bin nyo.

¹⁰Nle mu mvule tse kethyü zohü yatselo, nle a-no kenku nme thyü hünyo, lo a-jo le nnyun nyu ndi.