Read Samo, Southern SGK 36 Bible Online

SGK 36 - Samo, Southern bible

SGK 36

¹Ezawu mɛn bɛ́ ǹ nə́ bíi Edɔmu, bɛ tɔrɔn man ka kɛn nɛ.

² Ezawu na á Kanaan minin nɛnyaanan wɔ lɔn lɛa: Ɛti tɔrɔ Elɔn a nɛlɔ Adaa nɛ, ka Anaa a nɛlɔ Olibamaa nɛ. Ivii tɔrɔ Sibiɔn a nɔ̀ɔn nɛ.

³ Á Isimayeli a nɛlɔ Basimaati dɔ saa. Nebayɔti ǹ miãnɛn nɛ ka bɛ nɛ.

⁴Adaa na á Elifaazi yɛ Ezawu ni, Basimaati dɔ́ Reweli yɛ nɛ.

⁵Olibamaa na á Yewusu laanka Yalamu yɛ nɛ, ka Kooraa nɛ. Ezawu nɛnyaanan mɛnɛn yɛ Kanaan gána nɛ, ǹ dinin lɛn man ka bɛn nɛ.

⁶Ezawu yoo ka a lɔn nɛ, a nɛgiĩn laanka a nɛlɔn nɛ, a kion minin tumaa laanka a tɔɔ mànan tumaa nɛ, a gɔn màn mɛn tumaa yɛ Kanaan gána nɛ, á yoo ka a din tumaa nɛ, á woo gána kɔsɔ nɛ, á n bɔ ǹ diɛ̃giĩ Zakɔba yɔrɔ-a.

⁷A giala, mà ǹ gɔn màn lɛ mɔnaa á la yii ni, ǹ ba boe la ǹ giã kɔn li wa. Ǹ goã giã-n bǎã mɛn nɛ, bɛa tɛ á n boe la, á ǹ tumaa a tɔɔn màn bii ǹ bǎã boe wa.

⁸Ezawu lɛ ǹ tá bíi Edɔmu, bɛ giã Seyiri a kelen la.

⁹Edɔmu minin digolo Ezawu mɛn bɛ́, á goã giã-n Seyiri a kelen la, bɛ tɔrɔn man ka kɛn nɛ:

¹⁰Ezawu a lɔ Adaa na á Elifaazi yɛ. Elifaazi dɔ wɔn man ka kɛn nɛ: Teman, Omaara, Sefoo, Gatamu, ka Kenaazi ni. Lɔ kɔsɔ mɛn tɔ bɛ́ Timinaa, á nɛgiĩ kɔsɔ yɛ bɛ la, a ná a tɔ kɔ Amalɛki. Ezawu a lɔ Basimaati na á Reweli yɛ. Reweli dɔ wɔn man ka kɛn nɛ: Nahati, Zeraa, Saamaa, ka Miizaa nɛ.

¹⁴Ezawu a lɔ Olibamaa mɛn bɛ́ Anaa a nɛlɔ lɛa, á n Sibiɔn a nɔ̀ɔn lɛa, bɛ na á Yewusu yɛ, ka Yalamu laanka Kooraa nɛ.

¹⁵Tɔrɔn mɛnɛn nə bɔ Ezawu a nɛgiĩ bibinaa Elifaazi ni bɛn man ka kɛn nɛ: Temaa, Omaara, Sefoo, Kenaazi,

¹⁶Kooraa, Gatamu, Amalɛki. Bɛn man nə́ goã giã-n Edɔmu gána nɛ. Ezawu a lɔ Adaa tɔrɔn man ka bɛn nɛ.

¹⁷Tɔrɔn mɛnɛn nə bɔ Ezawu a nɛgiĩ Reweli ni, bɛn man ka kɛn nɛ: Nahati, Zeraa, Saamaa, Miizaa. Maǹ nə́ goã giã-n Edɔmu gána nɛ. Ezawu a lɔ Basimaati tɔrɔn man ka bɛn nɛ.

¹⁸Tɔrɔn mɛnɛn nə bɔ Ezawu laanka a lɔ Olibamaa nɛ, bɛn man ka kɛn nɛ: Yewusu, Yalamu, Kooraa. Olibamaa lɛ na á goã Anaa a nɛlɔ lɛa.

¹⁹Ezawu tɔrɔn man ka bɛn nɛ, ǹ nə́ goã Edɔmu minin goledɛnan lɛa.

²⁰Hori tɔrɔ Seyiri nɛnyaanan mɛnɛn yɛ, bɛn lɛn man Edɔmu gána lɛ a dɛnan lɛa, Hori tɔrɔn kiin manɛ: Lotan nɛ, Sobali ni, Sibiɔn nɛ, Anaa nɛ, Diizɔn laanka Esɛɛrɛ nɛ ka Diizan nɛ.

²²Lotan a nɛnyaanan man ka Hori laanka Emamu ni. Lotan miãnɛn nə ka Timinaa nɛ.

²³Sobali a nɛnyaanan man ka kɛn nɛ: Alivan nɛ, Manahati ni, Ebali ni, Sefoo ne ka Onaamu ni.

²⁴Sibiɔn a nɛnyaanan man ka kɛn nɛ: Ayia laanka Anaa nɛ. Bɛa Anaa lɛ na á mu fuu yɛ don, bɛ̀ a bɛ́ ǹ di Sibiɔn a dundunun lɛduĩ.

²⁵Anaa a nɛnyaanan man ka kɛn nɛ: Diizɔn laanka a nɛlɔ Olibamaa nɛ.

²⁶Diizan a nɛnyaanan man ka kɛn nɛ: Emudan nɛ, Esiban nɛ, ka Yitran laanka Keran nɛ.

²⁷Esɛɛrɛ a nɛnyaanan man ka kɛn nɛ: Bilan nɛ, Zaawan nɛ ka Akan nɛ.

²⁸Diizan a nɛnyaanan man ka Usu laanka Aran nɛ.

²⁹Hori tɔrɔn mɛnɛn nə goã kiin lɛa Edɔmu gána nɛ, bɛn lɛn man ka Lotan nɛ, Sobali ni, Sibiɔn nɛ, Anaa nɛ, Diizɔn nɛ Esɛɛrɛ nɛ ka Diizan nɛ.

³¹Kiin mɛnɛn nə giã Edɔmu gána mìi la, bɛ̀ min bɛ́ a tɔn giã Izirayeli nɛnyaanan mìi la kii lɛa bɔrɔ wa, bɛn tɔn man ka kɛn nɛ:

³²Behɔrɔ a nɛgiĩ Belaa mɛn bɛ́ boe Dinabaa kiwi.

³³A gɛ̀ kio, Zeraa a nɛgiĩ Yobabu mɛn bɛ́ boe Bosraa kiwi, bɛ́ giã a bǎã nɛ.

³⁴Yobabu a gɛ̀ kio, Teman gána min Usamu giã a bǎã nɛ.

³⁵Usamu a gɛ̀ kio, Bedadi a nɛ Adaadi giã a bǎã nɛ. Asɛ lɛ a kiwi tɔ n Aviti. A din lɛ na á Madiã minin dɛ Moabu gána nɛ.

³⁶Adaadi a gɛ̀ kio, Samulaa mɛn bɛ́ boe Masirekaa kiwi, bɛ́ giã a bǎã nɛ.

³⁷Samulaa a gɛ̀ kio, Sawulu mɛn bɛ́ boe Rehobɔti kiwi, Efrati tà lɛ-a, bɛ́ giã a bǎã nɛ.

³⁸Sawulu a gɛ̀ kio, Akibɔɔrɔ a nɛgiĩ Bali-Aanan giã a bǎã nɛ.

³⁹Bɛa gɛ̀ kio, Hadaara mɛn bɛ́ boe Pawuu kiwi, bɛ́ giã a bǎã nɛ. Asɛ a lɔ na á goã ka Matredi a nɛlɔ Metabeli ni, Mezaadi a nɔ̀ɔnlɔ nɛ.

⁴⁰Ezawu tɔrɔn kiin tɔn man ka kɛn nɛ: Timinaa, Alivaa, Yetɛti, Olibamaa, Elaa, Pinɔn, Kenaazi, Teman, Mibusaara, Madiyeli, Iramu. Ǹ nə́ didie tɔ kɔ a giã ǹ bǎã ganaa Edɔmu gána lɛ nɛ. Ezawu lɛ n Edɔmu minin digolo lɛa.