Read Samo, Southern Kiin1 4 Bible Online

Kiin1 4 - Samo, Southern bible

Kiin1 4

¹Kii Salomɔn lɛ na á goã kii lɛa Izirayeli gána kuturu mìi la.

²Min mɛnɛn nə goã a gána nyɛɛnaandɛnan lɛa, bɛn nə́ ke: Lawa a wúlu-bɔle Sadɔki a nɛgiĩ Azaria

³laanka Siikaa a nɛgiĩn Eliworɛfu ka Ayia, bɛn man nə́ goã sɛ́wɔ-kiɛ̃lin lɛa. Ayiluu a nɛgiĩ Zozafati na á goã sɛ́wɔn tamaɛ.

⁴Zozadaa a nɛgiĩ Benaazaa na á goã sɔraasin mìi la. Sadɔki laanka Abiataara na á goã Lawa a wúlu-bɔlen lɛa.

⁵Min mɛnɛn nə goã kiwin sii yɔrɔ boe, Natan a nɛgiĩ Azaria na á goã bɛn mìi la. Natan a nɛgiĩ Zabuudi na á goã Lawa a wúlu-bɔle lɛa, yiri kɔ kii la wole lɛa.

⁶Ayiisaari na á goã kii a sumu dí-nyalin mìi la. Abdaa a nɛgiĩ, Adoniramu na á goã pàã dí mìi la.

⁷Salomɔn gánadɛnaa fulupaa bɔ á koa Izirayeli gána mìi la. Ǹsɛn man nə́ goã kii lɛ laanka a minin bii boe. Ǹ gogoonmaa n bii lɛ boe mui goon lɛ̀ goon gɔ́ɔ̃ nɛ.

⁸Bɛa gánadɛnan lɛn tɔn nə́ ke: Uuru a nɛgiĩ na á goã kiwin mìi la Efrayimu a kele yii kɛ nɛ.

⁹Dekeri a nɛgiĩ na á goã Maakaasi gánan mìi la, ka Saalbimu kiwi ni, ka Bɛtisemɛsi kiwi ni, ka Elɔn-Bɛti-Anan kiwi ni.

¹⁰Ezɛdi a nɛgiĩ na á goã Arubɔti mìi la, Sookoo kiwi laanka Efɛri gána kuturu na á goã a din gɔn.

¹¹Abinaadaabu a nɛgiĩ na á goã Dɔɔrɔ a kele yii gána mìi la. Asɛ a lɔ na á goã ka Salomɔn a nɛlɔ Taafaati ni.

¹²Ayiwudu a nɛgiĩ Baanaa na á goã Tanaaki laanka Megidoo mìi la, ka Bɛti-Seyan gána tumaa nɛ, gána lɛ n boe Zarɛtan genli, Zizereyɛli kiwi a gusin a lɛ̀gɔn la, a wo Abeli-Mewolaa kiwi yaa, a kiɛ̃ a woo yǎa a Yokmeyaa kiwi niɛ̃.

¹³Gebɛɛrɛ a nɛgiĩ na á goã Ramɔti mìi la, Galaati gána nɛ. Manaasee a nɛgiĩ Yayiiri a kiwin mɛnɛn bɛ́ Galaati gána nɛ, á goã bɛn mìi la, ka kiwi dadara pɔsɔrɔ dɔ nɛ, Argɔbu gɔn li Basan gána nɛ. Kungɔn goã pɛnɛɛ nɛ bɛa kiwi pɔsɔrɔ lɛ gogoonmaa ganaa, a kiɛnlɛn nə́ n soɛ doɛ̃ kaka ka zan bàbàlan nɛ.

¹⁴Idoo a nɛgiĩ Ayiinaadaabu na á goã Mayanayimu gána mìi la.

¹⁵Ayiimasi na á goã Nɛfutalii gána mìi la. A dɔ Salomɔn a nɛlɔ goon saa lɔ lɛa, a tɔ n Basmaati.

¹⁶Usayii a nɛgiĩ Baanaa na á goã Asɛɛrɛ laanka Bɛalɔti gána mìi la.

¹⁷Paruwa a nɛgiĩ Zozafati na á goã Isakaara gána mìi la.

¹⁸Elaa a nɛgiĩ Simeyii na á goã Bɛnzamɛn gánan mìi la.

¹⁹Uri a nɛgiĩ Gebɛrɛ na á goã Galaati gána mìi la, gána mɛn lɛ goã Amɔɔrɔ tɔrɔn kii Sihɔn wɔ lɛa lɛlɛ, kɔnlɛ ka Basan gána kɛ nɛ á goã kii Ɔgi a tán lɛa. Nyɛɛnaandɛnaa goon na á goã bɛa bǎãn lɛn tumaa mìi la.

²⁰Zudaa gána minin laanka Izirayeli minin lɛn nə́ goã mɔnaa nɛ parsiini ka kɔ̀ mu lɛ-a ǹ nyɔɔsɔ̃ nɛ. Ǹ nə́ goã màn bii, màn mii ǹ foo yii n kɔɔ̃nɛ.