Read Samo, Southern KZS1 20 Bible Online

KZS1 20 - Samo, Southern bible

KZS1 20

¹Lɛ̀ a wusoo a bɔyaa a daa li, kiin bɛ́ nɛn bɛ̀ ǹ wo zia la biikoo mɛn li, Zoabu ná a zia nɛn kũ ǹ nə́ woo Amɔn nɛn gána yu. Ǹ nə́ Rabaa lɛnpɛnɛ, bɛ̀ Davida tá Zeruzalɛmu. Zoabu Rabaa kũ á ziziɛ̃.

²Davida nə́ ǹ kii a bafolo bɔ a mìi ganaa, á woo yaa sana lɛa a gugurubaa n doe kilo pɔsɔɔ. Kɔlɔ giɔ̀mɔ kaka-a goã a ganaa. Ǹ nə́ bɛa bafolo lɛ bɔ ǹ nə́ wɔ Davida mìi ganaa. Davida soo kiwi lɛ nɛ ka ziabaa ǹ màn gigiã nɛ.

³Davida kiwi minin lɛn goa á woo ǹ kaa pàã dín ganaa: Gɔn wɔsiɛ nɛ, sukun dí ni ka sɛmiɛ̃ dí ni. Davida na á zɛnaa miɛ̃ Amɔn tɔrɔn lɛn kiwin tumaa nɛ. Bɛ kio, Davida laanka zaman lɛ nə́ bɔyaa ǹ nə́ woo Zeruzalɛmu.

⁴Bɛ kio, ziabaa yoo Gezɛɛrɛ, Filisiti minin ganaa. Walan, Usaa min Sibekayii Harafaa tɔrɔ Sipayii dɛ. Bɛ sìi da Filisiti minin ganaa.

⁵ Zia kɔsɔ yɛ doo kɔn ka Filisiti minin ni. Yayiiri a nɛ Helanan Gaati min Goliati ǹ diɛ̃ Lami dɛ. A sɛmiɛ̃ gɔn nə ka kurunbiriin ka kɔ̀rɔ gɔn bɛ́ lɔn.

⁶Ziabaa kɔsɔ wusoo á yɛ Gaati kiwi. Giĩ gegere goon na á goã a tan a gòònən man sɔrɔ, zawaa nɛ, a gòònən tumaa a kaa kun ni fuəwensii. A dɔ n Harafaa tɔrɔ lɛa.

⁷Bɛa giĩ lɛ boo da Izirayeli minin ganaa, Davida ǹ gologiĩ Simeya a nɛ Zonaatan dɛ á gã.

⁸Bɛa minin kɛn lɛn man Harafaa tɔrɔn lɛa Gaati kiwi. Davida laanka a sɔraasin gɔn nə ǹ tumaa kũ ǹ nə́ gã.