Read Samo, Southern KZS1 23 Bible Online

KZS1 23 - Samo, Southern bible

KZS1 23

¹ Davida zizi kɔ parsiini. A ná a nɛgiĩ Salomɔn koa kii lɛa Izirayeli mìi la.

²Á Izirayeli a kiãn tumaa bíi, Lawa wúlu-bɔlen ne ka *Levii tɔrɔn nɛ.

³Levii tɔrɔn mɛnɛn yɛ dɔ lɛ̀ pɔsɔɔ ka a la man nɛ, ǹ nə́ bɛn nimi mìi lɛ yii li. Maǹ nə́ goã giĩ duu pɔsɔɔwenkiwisi (38 000).

⁴Davida min duu fuəwensii (24 000) bɔ maǹ ga Dɛnaa Lawa a kion lɛ a dí ganaa, duu sɔrɔ (6 000) sɛ́wɔ-kiɛ̃lin lɛa ka kiri-kurulin ni,

⁵duu sii (4 000) kiɛnlɛ-lɛduə̃lin lɛa, á duu sii bɔ mà bɛn nə Dɛnaa Lawa tɔ bɔ ǹ loe lɔ ka sàn kɔ ǹ mànan nɛ, a ǹ mɛnɛn zɛnaa bɛ lɛ taman yii.

⁶Á Levii tɔrɔn lɛn na kɔn kuru damata ǹ tanlɛ yii li. Gɛsɔn a tanlɛ nɛ, Keyati wɔ nɛ ka Merarii wɔ nɛ.

⁷Gɛrsɔn a tanlɛ yii li, Ladan nɛ ka Simeyii ni.

⁸Ladan na á nɛgiĩ sɔɔ yɛ: Yeyilieli n bibinaa, Zetaamu ni ka Zowɛli ni.

⁹Simeyii na á nɛgiĩ sɔɔ yɛ: Selomiti ni, Aziyeli ni ka Aaran nɛ. Ǹ dinin lɛn man Ladan a kɛdɛnan lɛa.

¹⁰Simeyii nɛgiĩ sii kɔsɔn yɛ: Yaati ni, Ziza nɛ, Yewusu ni ka Beriya nɛ.

¹¹Yaati n bibinaa nɛ, ziza na a paabaa ǹ wɔ lɛa. Sɛnɛ, Yewusu laanka Beriya nɛ gigiã yɛ wa, ǹ nə ǹ mɛnɛn yɛ, bɛn man kiɛnlɛ goon lɛa, ǹ nə́ dí tɔrɔ goon nyɛɛ.

¹²Keyati na á nɛ sii yɛ. Amuramu ni, Isaara nɛ, Ebrɔn nɛ ka Uziili ni.

¹³ Amuramu a nɛn: Aarɔn nɛ ka Muizu ni. Ǹ nə́ Aarɔn bɔ a kion minin bii ǹ nə́ da a gɔrɔn, màn mɛn bɛ́ toɛ a goã bǎã sonbore sonbore kɛ a dí-nyali lɛa, a din laanka a nɛnyaanan nɛ yǎa duduu, ǹ da yon gìĩ kɔɔ̃n kɔ Dɛnaa Lawa la, ǹ dí nya nɛ, ǹ barka da a zaman ganaa yǎa duduu.

¹⁴Maǹ nə́ Lawa a min Muizu a nɛnyaanan nimi kun ka Levii tɔrɔn nɛ.

¹⁵Muizu a nɛn: Gɛrsɔn nɛ ka Eliezɛɛrɛ nɛ.

¹⁶Gɛrsɔn a nɛn: Sebuweli ni, kiã lɛa.

¹⁷Eliezɛɛrɛ a nɛn: Rehabia nɛ, kiã lɛa. Eliezɛɛrɛ nɛ kɔsɔ yɛ wa. Sɛnɛ Rehabia a nɛnyaanan nə́ mɔnaa.

¹⁸Isaaraa nɛn: Selomiti ni, kiã lɛa.

¹⁹Ebrɔn a nɛn: Yeria n bibinaa nɛ, Amariya na a paabaa ǹ wɔ lɛa, Yahaziyɛli na a sɔɔbaa ǹ wɔ lɛa, Yekamamu na a siibaa ǹ wɔ lɛa.

²⁰Uziili a nɛn: Mikaa n bibinaa nɛ, Isia na a paabaa ǹ wɔ lɛa.

²¹Merarii a nɛn: Mayali ni ka Musi ni. Mayali a nɛn: Eleyazaara nɛ ka Kiisi ni.

²²Eleyazaara gã a ná a nɛgiĩ yɛ wa yǎa nɛlɔn. Ǹ miãgiĩn, Kiisi a nɛgiĩn kɛn maǹ nə́ ǹ wɔ lɔn lɛa.

²³Musi a nɛn: Mali ni, Edɛɛrɛ nɛ ka Yeromɔti ni: Min sɔɔ.

²⁴Levii a nɛnyaanan man kɛn nɛ ǹ sɔmɔ lɛn li, ka kɛdɛnan nɛ, minin nimii màn mɛn nyaa ǹ gogoonmaa mìi li. Maǹ dí nyɛɛ Dɛnaa Lawa a kion, a kũ ǹ lɛ̀ fuə ganaa a wo lon.

²⁵Davida goã á pɛ ka yɔrɔ kɛ nɛ. «Dɛnaa Lawa, Izirayeli a Lawa là nyantoro kɔ a zaman la, á re giɛ̃ Zeruzalɛmu yǎa duduu.

²⁶ Ka bɛ nɛ, Levii tɔrɔn ba re Dɛnaa a mɔnaa kion sonbore kɛ guĩ ka a dí nya ǹ mànan kɛn nɛ wa.

²⁷Bɛ lɛ nɛ Davida a sii yɔrɔ bɔ ǹ boo giala nyɔmiɛ̃ gɔɔ̃ nɛ, Levii tɔrɔn lɛn tɔn nə́ n kiɛ̃ sɛ́wɔ gɔ́ɔ̃ nɛ a kũ lɛ fuə ganaa.»

²⁸ Ǹ doamaa nɛ ǹ nə n dɔ Aarɔn a sɔmɔ minin kɛn lɛ Dɛnaa Lawa a dí a paǹ li, ǹ ga a sumun walan ka a kionən ne, ǹ *gɔ̀ bɔ màn sonboren kɛn tumaa-a ǹ ga ǹ walan, ka Lawa a kion a dí tumaa nɛ.

²⁹Buruu mɛnɛn bɛ́ n koe Dɛnaa Lawa la, ǹ ga bɛ walan, wùsun mɛnɛn bɛ́ re n koe Lawa gɔ ǹ màn lɛa, mɔ̀mɔ mɛn bɛ́ yɔ bù ná a ba li wa, ǹ mɔ̀mɔ̀ mɛn da fɔlɔ la, ka mɔ̀mɔ̀ tɔrɔ kɔsɔn nɛ. Ǹ doamaa nɛ ń ga màn zɔɔ̃ ǹ mànan kɛn tumaa-a sɔnbɔraanɛ.

³⁰Ǹ doamaa nɛ ǹ goã ǹ tan baayɛlɛ ka wɔsamiɛ̃nɛ ǹ loe lɔ ǹ Dɛnaa tɔ laakalaa nɛ, ǹ na a tɔ gole kɔ,

³¹ǹ *wúlu màn tiɛ̃ kɔ Lawa la *susu ǹ pii pinaa, mui a lɛawaa bibinaa nɛ hinlaa lɛawaa kɔsɔn nɛ zɔ́n pinaa lɛa, ǹ bɛa dí kɛ nya duduu Dɛnaa Lawa yɔrɔ-a, ǹ nə ǹ dí nya mɔnaa nɛ ka landa boo á ke á nyaa lɔn.

³²Ka bɛ nɛ, maǹ kɔn yɛ ka Lawa nɛ ǹ mɔnaa kion kɛ laanka bǎã sonbore kɛa dí-nyalin lɛa, ǹ tá re n doe ǹ dɔɔ̃n Aarɔn a sumu minin kɛn lɛ ka Dɛnaa Lawa a kion kɛa dí ni.