Read Samo, Southern KZS1 25 Bible Online

KZS1 25 - Samo, Southern bible

KZS1 25

¹Davida laanka sɔraasin goledɛnan nə́ minin bɔ Lawa a kion a dí-nyalin lɛa Azaafu a nɛnyaanan bii, Heman wɔn nɛ ka Yedutunu wɔn nɛ: Kɛn Lawa a boo gii diɛ, kɔnkoɛɛ᷉n wuu li tùtu wuu ni ka gɔn pere dɛ ǹ mànan nɛ. Min mɛnɛn bɛ́ bɛa dí lɛ nyɛɛ ǹ tɔn nə ke:

²Asaafu a nɛn wɔn: Zakuuru ni, Zozɛfu ni, Netatia nɛ, ka Asarelaa nɛ. Ǹ di nə ǹ nyɛɛnan boe. A n Lawa a boo gii diɛ ka kii á ke a nyɛɛnan boe lɔn.

³Yedutunu wɔn, Yedutunu a nɛn wɔ: Gedalia, Seri, Yekaya, Simeyii, Akabia ka Matitia nɛ. Ǹ díi nə ǹ dinin sɔrɔmaa nyɛɛnaan boe, a n Lawa a boo gii diɛ kɔnkoɛɛ̃n wuu li, a n Dɛnaa Lawa tɔ boe ne a ná a guguru koe.

⁴Eman wɔn, Eman a nɛn wɔn: Bukia, Matania, Uziili, Sebuweli, Yerimɔti, Anania, Anaanii, Eliataa, Gidalti, Romameti-Ezɛɛrɛ, Yosebekasaa, Malɔti, Otiiri ka Mahaziɔti ni.

⁵Eman a nɛyaanan tumaa n ke, asɛ mɛn bɛ́ kii a sii-nyaali lɛa, Lawa a boo gii diɛ mà a pàã nə n giala bɔ a siã. Lawa na á goã á nɛgiĩ fulusii ka nɛlɔ sɔɔ kɔ Eman la.

⁶Bɛa minin kɛn tumaa n loe loe Dɛnaa a kion, ǹ díi nə́ ǹ nyɛɛnaan boe kɔnkoɛɛ̃n wuu li, tùtù ni ka gɔn pere dɛ ǹ mànan nɛ. Maǹ bɛa dí kɛ nyɛɛ kii ni ǹ mìi la, Azaafu ni, Yedutunu ni, ka Eman nɛ.

⁷Bɛa sàn-kɔlen kɛn lɛn laanka ǹ dɔɔ̃nɔn mɛnɛn bɛ́ boe loe lɔ la Dɛnaa Lawa nɛ, ǹ kaa kun nə min biɛpaa pɔkiwisiwenkiwisi (288). Ǹ tumaa dɔ nə́ ǹ dí doɛ̃ sɔnbɔraanɛ.

⁸Maǹ nə́ n pã ǹ dí nya a koa kɔnla ǹ gɔn ganaa. Bɔn bii-a yɛ nɛ tenən bii ka min golen ne wa, hinlaa nyɛɛnan-bɔle ka daaraa wɔle ne wa.

⁹Piɛ̃ lɛ a binaa na á goa Azaafu wɔ lɛa a wo Zozɛfu yaa. A paabaa ǹ wɔ na á goã Gedaliyahu wɔ lɛa, a din ni, a nɛgiĩn ni ka ǹ dɔɔ̃nɔn nɛ: fulupaa.

¹⁰A sɔɔbaa ǹ wɔ, Zakuuru ni, a nɛgiĩn ni ka ǹ dɔɔ̃nɔn nɛ: fulupaa.

¹¹A siibaa ǹ wɔ Yiserii ni, a nɛgiĩn ni ka ǹ sɔɔ̃nɔn nɛ: fulupaa.

¹²A soorobaa ǹ wɔ, Netatiani ni, a nɛgiĩn ni ka ǹ dɔɔ̃nɔn nɛ: fulupaa.

¹³A sɔrɔbaa ǹ wɔ Bukia nɛ, a nɛgiĩn ni ka ǹ dɔɔ̃nɔn nɛ: fulupaa.

¹⁴A sɔbaabaa ǹ wɔ, Asarelaa nɛ, a nɛgiĩn ni ka ǹ dɔɔ̃nɔn nɛ: fulupaa.

¹⁵A kiwisibaa ǹ wɔ, Yekaya nɛ, a nɛgiĩn ni ka ǹ dɔɔ̃nɔn nɛ: fulupaa.

¹⁶A manangɔrɔbaa ǹ wɔ, Matania nɛ, a nɛgiĩn ni ka ǹ dɔɔ̃nɔn nɛ: fulupaa.

¹⁷Fùbaa ǹ wɔ, Simeyi ni, a nɛgiĩn ni ka ǹ dɔɔ̃nɔn nɛ: fulupaa.

¹⁸A fulugoonbaa ǹ wɔ, Azareli ni, a nɛgiĩn ni ka ǹ dɔɔ̃nɔn nɛ: fulupaa.

¹⁹A fulupaabaa ǹ wɔ, Akabia nɛ, a nɛgiĩn ni ka ǹ dɔɔ̃nɔn nɛ: fulupaa.

²⁰A fulusɔɔbaa ǹ wɔ, Sebuweli ni, a nɛgiĩn ni ka ǹ dɔɔ̃nɔn nɛ: fulupaa.

²¹A fulusiibaa ǹ wɔ, Matitia nɛ, a nɛgiĩn ni ka ǹ dɔɔ̃nɔn nɛ: fulupaa.

²²A fulusoorobaa ǹ wɔ, Yerimɔti ni, a nɛgiĩn ni ka ǹ dɔɔ̃nɔn nɛ: fulupaa.

²³A fulusɔrɔbaa ǹ wɔ, Anania nɛ, a nɛgiĩn ni ka ǹ dɔɔ̃nɔn nɛ: fulupaa.

²⁴A fulusɔbaabaa ǹ wɔ, Yosebekasaa nɛ, a nɛgiĩn ni ka ǹ dɔɔ̃nɔn nɛ: fulupaa.

²⁵A fulukiwisibaa ǹ wɔ, Anaanii ni, a nɛgiĩn ni ka ǹ dɔɔ̃nɔn nɛ: fulupaa.

²⁶A fulumanangɔrɔbaa ǹ wɔ, Malɔti ni, a nɛgiĩn ni ka ǹ dɔɔ̃nɔn nɛ: fulupaa.

²⁷A fuəbaa ǹ wɔ, Eliata nɛ, a nɛgiĩn ni ka ǹ dɔɔ̃nɔn nɛ: fulupaa.

²⁸A fuəwengoonbaa ǹ wɔ, Otiiri ni, a nɛgiĩn ni ka ǹ dɔɔ̃nɔn nɛ: fulupaa.

²⁹A fuəwenpaabaa ǹ wɔ, Gidalti ni, a nɛgiĩn ni ka ǹ dɔɔ̃nɔn nɛ: fulupaa.

³⁰A fuəwensɔɔbaa ǹ wɔ, Mahazisti ni, a nɛgiĩn ni ka ǹ dɔɔ̃nɔn nɛ: fulupaa.

³¹A fuəwensiibaa ǹ wɔ, Romameti-Ezɛɛrɛ nɛ, a nɛgiĩn ni ka ǹ dɔɔ̃nɔn nɛ: fulupaa.