Read Samo, Southern KZS1 4 Bible Online

KZS1 4 - Samo, Southern bible

KZS1 4

¹Zudaa tɔrɔ man ka kɛn nɛ: Perɛzi ni, Ɛsirɔn nɛ, Karmii ni, Uuru laanka Sobali ni.

²Sobali a nɛ Rehaya na á Yaati yɛ, Yaati na á Awumayi laanka Lahadi yɛ. Ǹsɛn man Soraa a tanlɛn digolon lɛa.

³Etamu tɔrɔn man ka kɛn nɛ: Zizereyɛli ni, Yiisimaa laanka Idibaaki ni. Ǹsɛn miãnɛn tɔ n Asilɛlponii.

⁴Bɛ̀ á yoo bɛn la, Gedɔɔrɔ ǹ di Penuweli ni, ka Husaa ǹ di Ezɛɛrɛ nɛ. Bɛn lɛn man Uuru a nɛnyaanan lɛa, Efrata a nɛ bibinaa lɛa, a din nə Bɛtlehɛmu a díi lɛa.

⁵Tekoa ǹ di Asewuuru a lɔ na á goã paa: Helaa laanka Naara nɛ.

⁶Naara na á nɛnyaanan kɛn yɛ li: Awuzaamu ni, Hefɛɛrɛ nɛ, Tɛmuni laanka Aasetaari.

⁷Helaa sɛ́ na á nɛ sɔɔ yɛ li: Serɛti ni, Sohara nɛ, ka Etinan nɛ.

⁸Kɔsi na á Anubu laanka Sobebaa yɛ. A din lɛ dɔ n Arumu a nɛ Aareyeli a tanlɛn digolo lɛa.

⁹Zaabɛsi yii na á goã guguru á la ǹ dɔɔ̃nɔn manɛ. Ǹ dan na á goã á Zaabɛsibaa wɔ a ganaa, a giala ǹ dan lɛ nɔmaa parsiini ka a yɛ nɛ.

¹⁰Zaabɛsi lɛ Lawa nyankɔ á pɛ: «Izirayeli a Lawa, bǐɛ̃ kɔ n barka da ma ganaa, màn da maa bǎã li a gole kɔ, ma tamaa, n koe laanka fuu wɔlɔ lui ma ganaa.» A màn mɛn lɛ nyankɔ, Lawa bɛ kɔ la.

¹¹Suha ǹ dɔɔ̃ngiĩ Kelubu kɛ na á Meyiiri yɛ. Esitɔn ǹ di n ka Meyiiri lɛ nɛ.

¹²Esitɔn na á Bɛti-Rafaa yɛ, ka Paseya laanka Teyinaa nɛ. Teyinaa na á Naasi kiwi koa. Rekaa kiwi minin man ka ǹsɛn nɛ.

¹³Kenaazi a nɛnyaanan man ka Ɔtniyeli laanka Seraya nɛ. Ɔtniyeli a nɛnyaanan man ka Ataati laanka Mewonotayii ni.

¹⁴Mewonotayii na á Ofra yɛ. Seraya na á Zoabu yɛ. Gɔn dí-nyalin mɛnɛn nə goã giã nɛ gɔn dí-nyalin nyankɔrɔ lɛ kɛ nɛ, bɛn digolo n ka Zoabu lɛ nɛ.

¹⁵Yefunee a nɛ Kalɛbu na á nɛ sɔɔ yɛ: Iiruu ni, Elaa nɛ, ka Naamu ni. Elaa na á Kenaazi yɛ.

¹⁶Yaaleleli a nɛnyaanan man ka Ziifu ni, Zifaa nɛ, Tiria nɛ ka Asareli ni.

¹⁷Ezira a nɛgiĩ man min sii: Yetɛɛrɛ nɛ, Merɛdi ni, Efɛɛrɛ laanka Yaalɔn nɛ. Merɛdi Eziptin kii a nɛlɔ Bitia saa lɔ lɛa. Bitia lɛ na á Miriamu yɛ li, ka Samayii laanka Isebaa nɛ. Esiteemoa ǹ di n ka Isebaa nɛ. Merɛdi lɛ a lɔ kɔsɔ goã a tan. Zudaa tɔrɔ n ka bɛ nɛ. Bɛa lɔ lɛ na á Gedɔrɔn ǹ di Yerɛdi yɛ li, ka Sokoo ǹ di Ebɛɛrɛ nɛ, ka Zanoa ǹ di Yekutiyeli ni.

¹⁹Odia na á Naahamu ǹ miãnɛn goon saa lɔ lɛa. Ǹ nɛnyaanan mɛnɛn yɛ, bɛn man ka Garama a tanlɛ minin kɛn nɛ giã-n Kiilaa ka Maakaa a tanlɛ minin kɛn nɛ giã-n Esiteemoa.

²⁰Simɔn a nɛgiĩ man ka Amnɔn nɛ, Rinaa nɛ, Bɛn-Anan nɛ, ka Tilɔn nɛ. Iseyii tɔrɔn man ka Zowɛti laanka a nɛgiĩ kɛ nɛ.

²¹Zudaa a nɛgiĩ Selaa tɔrɔn man ka kɛn nɛ: Lekaa ǹ di Ɛrɛ nɛ, Maresaa ǹ di Ladaa nɛ, ka tanlɛn kɛn nɛ ǹ minin nə́ tuntun mɔnaa dí nyɛɛ Bɛti-Asebeya kiwi.

²²Selaa lɛ din dɔ tɔrɔn man ka Zokimu ni, Kozebaa minin ni, ka Zoasi laanka Sarafu ni. Bɛn maǹ nə́ goã Moabu gána mìi la ka Lehɛmu ni. Bɛa siin kɛn lɛn zɛnaa biikoo belebɔ.

²³Bɛa minin lɛn man nə́ goã dɔn-bɔlen lɛa. Maǹ nə́ goã giã-n buu kɔsɔ ǹ bǎã laanka zìãn nɛ. Kii na á goã á ǹ kaa walan màn mɛn bɛ́ tɔɛ ǹ na a dí nya.

²⁴Simiɔn a nɛnyaanan man ka kɛn nɛ: Nemuweli ni, Yamin ni, Yaribu ni, Zeraa nɛ, ka Sawulu ni.

²⁵Sawulu a nɛ n ka Salumu ni. Salumu wɔ n ka Mibusaamu ni, Mibusaamu wɔ n ka Miisima nɛ.

²⁶Miisima wɔ n ka Amuweli ni, Amuweli wɔ n ka Zakuuru ni. Zakuuru wɔ n ka Simeyii ni.

²⁷Simeyii na á nɛgiĩ fulusɔrɔ laanka nɛlɔ sɔrɔ yɛ. Sɛnɛ ǹ dɔɔ̃nɔn kɛn sɛn nə nɛ didi yɛ wa. Ǹ tanlɛn lɛn tumaa a zaman nə mɔnaa ka Zudaa tɔrɔn wɔ bɛ́ lɔn wa.

²⁸Simiɔn tɔrɔn lɛn nə́ giã Bɛɛr-Sebaa kiwi, Molaadaa kiwi ni, Hasara-Suwali kiwi ni,

²⁹Bilaa kiwi ni, Esɛmu kiwi ni, Tolaadi kiwi ni,

³⁰Betoeli kiwi ni, Ɔrma kiwi ni, Siklagi kiwi ni,

³¹Bɛti-Markabɔti kiwi ni, Hasara-Susimu kiwi ni, Bɛti-Biiri kiwi ni, ka Sarayimu kiwi ni. Bɛn lɛn man nə́ goã ǹ kiwi dadaran laanka ǹ kiwi bisinin lɛa, yǎa á da dɔ Davida a kiibaa biikoo ganaa.

³²Ǹ nə́ giã kiwi sooro kɔsɔ dɔ nɛ: Bɛa kiwin lɛn man ka Ayini kiwi ni, Etamu kiwi ni, Rimɔn nɛ, Tokɛn nɛ, ka Asan kiwi ni.

³³Ǹ nə́ giã lɛkoro-a kiwi bisinin dɔn nɛ, yǎa Baalati. Ǹ goã giã-n bǎãn mɛnɛn nɛ, ǹ dinin lɛn man ka bɛn nɛ. Ǹ tɔrɔ basa sɛ́wɔ dɔ goã walan.

³⁴Mesobaadi ni, Yamulɛki ni, Amasiya a nɛgiĩ Yokaa nɛ, Zowɛli ni, Yosibia a nɛ Zewu ni, Yosibia n Seraya nɛ lɛa, Asiyeli a nɔ̀ɔn lɛa, Elionayii ni, Yakobaa nɛ, Yekoaya nɛ, Asayia nɛ, Adiyeli ni, Yesimiyeli ni, Benaazaa nɛ, ka Siifeyii a nɛgiĩ Zizaa kɛ nɛ. Zizaa lɛ n Alɔn tɔrɔ lɛa; Alɔn dɔ n Yedayia tɔrɔ lɛa, Simuri ni, ka Semayia nɛ. Min mɛnɛn lɛn tɔn nə n pɛ, maǹ nə́ goã ǹ tanlɛn nyɛɛnaandɛnan lɛa, ǹ di kion giala nə́ n bɔ li parsiini.

³⁹Bɛ lɛ nɛ, ǹ nə́ pɛsɛ̃ ǹ nə́ woo Gedɔɔrɔ kiwi a lalaa lɛ-a, yǎa nyankɔrɔ lɛ kɛa lɛ̀giala gɔn la, màn mɛn bɛ́ toɛ ǹ ga buu sɔ̃ ǹ bǎã li ǹ tɔɔ bisinin wɔ lɛa.

⁴⁰N nə́ tɔ́n tɔɔn buu sɔ̃ ǹ bǎã siĩn sonbore yɛ bɛa bǎã lɛ nɛ, bǎã lɛ na á goã gole, là nyantoro ná a nɛ, màn nə́ bǐɛ̃ koe a nɛ. A na á goã Kaamu tɔrɔn giã n bǎã lɛa lɛlɛ.

⁴¹Sonbore, Zudaa gána a kii Ezekiasi a biikoo li, nyɛɛnaandɛnan mɛnɛn lɛn boo nə n da, bɛn man nə́ daa bǎã lɛ nɛ, ǹ nə́ Kaamu tɔrɔn lɛn mɔnaa kionən laanka ǹ duru ǹ bǎãn ziziɛ̃, ǹ nə́ ǹ minin tumaa dɛ lenlen, min ná a ba ǹ bǎã doɛ̃ pelo wa. Bɛ kio, ǹ nə́ giã Kaamu tɔrɔn lɛn bǎã nɛ, a giala, ǹ tɔɔ bisinin buu sɔ̃ ǹ bǎãn nə́ goã ǹ tan.

⁴²Simiɔn tɔrɔn lɛn min tɛnɛn nə́ woo Seyiri kele bǎã nɛ. Maǹ nə́ goã min biɛsooro (500). Yiseyii a nɛnyaanan kɛn, Pelatia nɛ, Neyariya nɛ, Refaya nɛ, ka Uziili ni, bɛn man nə́ goã ǹ nyɛɛnaan boe.

⁴³Amalɛki tɔrɔn la wolen mɛnɛn yii goã koo, ǹ nə́ bɛn dɛ, ǹ nə́ giã ǹ bǎã nɛ, a da dɔ pelo ganaa.