Read Samo, Southern KZS1 9 Bible Online

KZS1 9 - Samo, Southern bible

KZS1 9

¹Ǹ nə́ Izirayeli minin tumaa nimi, ǹ nə́ ǹ tɔn kiɛ̃ Izirayeli gána a kiin sɛ́wɔ kɛ nɛ. Maǹ nə́ goã ǹ nə́ Zudaa minin goa ǹ nə́ woo ǹ ne *Baabilonii gána nɛ, ǹ bɔlɔgoonbaãdɛnaabaa taman yii Lawa wɔ paǹ li.

² Min mɛnɛn nə n bɔyaa ǹ nə́ daa ǹ kiwin ni bibinaa nɛ, ǹ nə́ wusoo ǹ nə́ ǹ gɔn mànan si ǹ nə́ baa ǹ wɔn lɛa, bɛn man ka Izirayeli minin ni, Lawa a wúlu-bɔlen ne, *Levii tɔrɔn nɛ, ka min mɛnɛn bɛ́ giɛ Lawa a kion kɛ walan.

³Zudaa tɔrɔn nɛ, Bɛnzamɛn wɔn nɛ, Efrayimu wɔn nɛ, ka Manaasee wɔn nɛ, bɛn minin tɛnɛn nə́ daa giã Zeruzalɛmu.

⁴Zudaa tɔrɔn bii, Amiwudu a nɛgiĩ Utayii goã a tan. Amiwudu lɛ dinmaa n Ɔmrii a nɛ lɛa, Imrii a nɔ̀ɔn lɛa, Banii a nɔ̀ɔn fulupaa lɛa, Perɛzi a tanlɛ min lɛa.

⁵Selaa a tanlɛ minin bii: Asayia kɛ nɛ, a nɛgiĩ bibinaa lɛa, ka a nɛnyaanan nɛ.

⁶Zeraa a tanlɛ minin bii: Yewuyeli goã a tan. Zudaa minin mɛnɛn nə goã giã-n Zeruzalɛmu, maǹ min biɛsɔrɔ ka pɔmanangɔrɔ (690).

⁷Bɛnzamɛn tɔrɔn bii: Mesulaamu a nɛ Saluu goã a tan. Saluu lɛ n Odabia a nɔ̀ɔn lɛa, Hasenoa a nɔ̀ɔn fulupaa lɛa.

⁸Yeruamu a nɛ Ibneyaa dɔ́ goã a tan, ka Uzi a nɛ Elaa kɛ nɛ, Mikri a nɔ̀ɔn lɛa. Sefaria a nɛ Mesulaamu dɔ́ goã a tan. Mesulaamu lɛ n Rewuyeli a nɔ̀ɔn lɛa, Ibnaa a nɔ̀ɔn fulupaa lɛa.

⁹Bɛa minin kɛn lɛn tumaa nə ǹ tɔrɔ minin kɛdɛnan lɛa. Bɛnzamɛn tɔrɔn mɛnɛn nə goã giã-n Zeruzalɛmu, maǹ min biɛmanangɔrɔ ka posoorowensɔrɔ (956).

¹⁰Lawa a wúlu-bɔlen bii: Yedayaa goã a tan, Zozaribu ni, Yakin ni.

¹¹Azaria dɔ goã a tan. Asɛ digolon man ka Ilkia nɛ, Mesulaamu ni, Sadɔki ni, Merayɔti ni ka Lawa a kion mìilandɛnaa Ayituubu ni.

¹²Adayaa dɔ goã a tan. Asɛ digolon man ka Yerohamu ni, Pasewuru ni, ka Malkiya nɛ. Masayii dɔ goã a tan: Asɛ digolon man ka Adiyeli ni, Zekaria nɛ, Mesulaamu ni, ka Misilemiti laanka Imɛɛrɛ nɛ.

¹³Lawa wúlu-bɔlen gialakunun lɛn laanka bɛa kɛdɛnan kɛn lɛn nɛ, maǹ min duu goon ka biɛsɔbaa ka pɔsɔrɔ (1 760), ǹ tumaa ń zíndɛnan lɛa, ǹ nə́ Lawaa a kion dí lɛ nyɛɛ.

¹⁴Levii tɔrɔn bii: Semayia goã a tan. Asɛ digolon nə koa kɔn la lɔn, di laanka nɛ nɛ, bɛn man ka kɛn nɛ: Asuubu ni, Azirikamu ni, ka Akabia kɛ nɛ, Merarii a tanlɛ min lɛa.

¹⁵Balbakara dɔ́ goã a tan, Erɛsi ni, Galadi ni, ka Matania nɛ. Ǹsɛn digolon man ka Mikaa nɛ, Zikri laanka Asaafu ni.

¹⁶Odavia dɔ́ goã a tan. Asɛ digolon man ka Semayia nɛ, Galadi ni, ka Yedutun ni. Berekia dɔ́ goã a tan. Berekia lɛ n Azaa a nɛ lɛa, Ɛlkaana a nɔ̀ɔn lɛa. Bɛa Ɛlkaana lɛ n giã-n Netofaa tɔrɔn kiwi bisinin ni.

¹⁷Kiɛnlɛ-lɛduə̃lin bii: Salumu ke nyɛɛnaandɛnaa lɛa, bɛ́ goã a tan, Akubu ni, Talmɔn nɛ, ka Ayiman nɛ ka ǹ dɔɔ̃nɔn nɛ.

¹⁸Ǹ dinin lɛn tɔrɔn man ke tɔn dí nyɛɛ kii a kiɛnlɛ kɛ lɛ-a lɛ̀giala gɔn la, a da pelo yaa. Ǹ digolon man nə́ goã Levii tɔrɔn giã ǹ bǎã a kiɛnlɛ-lɛduə̃lin lɛa.

¹⁹Koree a nɛ Salumu ke Abiazafu a nɔ̀ɔn lɛa, Koree a nɔ̀ɔn fulupaa lɛa, bɛ laanka Koree lɛ a sumu minin gialakunun kɛn nɛ, ǹsɛn man nə́ goã kɔn yɛ ka Lawa nɛ ǹ mɔnaa kion kɛa kiɛnlɛ-lɛduə̃lin lɛa, ka ǹ digolon nə goã zɛnɛɛ lɔn Dɛnaa Lawa a zaman lɛa giã ǹ bǎã nɛ.

²⁰Eleyazaara a nɛ Pinaasi na á goã ǹ nyɛɛnaandɛnaa lɛa lɛlɛ, a giala Dɛnaa Lawa goã kun ni.

²¹Meselemiã a nɛ Zakarii kɛ dɔ na á goã kɔn yɛ ka Lawa nɛ ǹ mɔnaa kion lɛ lɛduə̃lin goon lɛa.

²²Ǹ goã ǹ nə́ min mɛnɛn bɔ kiɛnlɛ-lɛduə̃lin lɛa, ǹ tumaa a kaakun nə min biɛpaa ka fulupaa (212). Maǹ nə́ goã ǹ nə́ ǹ tɔn goa ǹ bɔ ǹ kiwin ni. Davida laanka sii-nyaali Samayeli na á ǹ digolon kaa bɛa dí kɛ lɛ la, a lɛ̀ ná a ba n diɛ wa.

²³Maǹ nə́ ǹsɛn lɛn laanka ǹ nɛnyaanan bɔ ǹ nə́ ǹ koa Lawa a kion kiɛnlɛ-lɛduə̃lin lɛa, mɔnaa kion ke.

²⁴Kiɛnlɛ-lɛduə̃lin lɛn man nə́ goã doa-n paǹ yii ganaa. Ǹ nə́ goã lɛ̀giala li, lɛ̀nyɛɛnɛ, gɔsɛ a lɛ̀gɔn nɛ, ka gusin a lɛ̀gɔn nɛ.

²⁵Ǹ miã kiɛnlɛ-lɛduə̃li kɔsɔn mɛnɛn bɛ́ giã nɛ ǹ dinin kiwin ni, bɛn man nɛn bɛ́ ǹ da giã kiɛnlɛn lɛn li kunun ǹ ni lɛawaa sɔbaa.

²⁶Sɛnɛ kiɛnlɛ-lɛduə̃li min sii mɛn bɛ́ nyɛɛnaandɛnan lɛa, bɛn man nə́ goã bǎã lɛ-n duduu. Maǹ Levii tɔrɔn lɛa. Maǹ nə́ ǹsɛn koa Lawa a kion kɛ a gɔ́ɔ̃n mìi la, ka gɔn mànan mɛnɛn bɛ́ a nɛ.

²⁷Maǹ nə́ goã lɛ̀ wɛɛ Lawa kion lɛ bǎã nɛ, a giala maǹ nə́ ǹ dinin kaa a gamaa walan, ka a kiɛnlɛn buĩ ni baayɛlɛ baayɛlɛ.

²⁸Kiɛnlɛ-lɛduə̃lin lɛn tɛnɛn dí na á goã ka Lawa a kion lɛ a dí nya ǹ mànan nimii ni, biikoo mɛn li bɛ̀ ǹ tá ǹ goɛ soe ǹ ne, hinlaa bɛ̀ ǹ tá wusii woe ǹ koɛ.

²⁹Maǹ nə́ goã ǹ nə́ kiɛnlɛ-lɛduə̃lin lɛn gialakunun dɔn kaa tanan kɛn mìi la, kɔnlɛ ka bǎã sonbore kɛ a dí-nya ǹ mànan tumaa nɛ. N nə́ goã ǹ nə́ ǹ kaa *wùsu sonbore kɛ dɔ mìi la, duvɛ̃ nɛ, da yon giĩ kɔɔ̃n nɛ, ka nyɔɔ giĩ kɔɔ̃n nɛ.

³⁰Sɛnɛ ǹ bɛ́ mànan mɛnɛn lɔlɛkɔn da yon giĩ kɔɔ̃n zɛnaa n wɔ lɛa, Lawa a wulu-bɔlen nɛn man nə́ goã bɛn sii yɔrɔ boe.

³¹Salumu a nɛ goledɛnaa Matitia ke Levii tɔrɔ lɛa, Koree a tanlɛ min lɛa, bɛ na á goã Lawa gɔ ǹ mɔ̀mɔ kɛ mìi la.

³²Ǹ goã buuru mɛn dɔ koe Lawa la *susu ǹ pii woo susu ǹ pii, Keyati tɔrɔn min tɛnɛn man nə́ goã bɛ diɛ.

³³Levii tɔrɔn kɛdɛnan kɛn loe sii yɔrɔ-bɔlen lɛa, bɛn man nə́ goã giã-n Lawa a kion lɛ a gɔ́ɔ̃n nɛ. Ǹ nə́ goã ǹ nə́ ǹsɛn gòɛ̃ bɔ ǹ nə́ bɔ dí kɔsɔ nya nɛ, a giala maǹ nə́ goã ǹ dí lɛ nyɛɛ penleen laanka tèlò ne.

³⁴Bɛn lɛn man nə́ goã Levii tɔrɔn kɛdɛnan lɛa, a kɔnpɛ ka ǹ didie a biikoo minin wasa nɛ. Maǹ nə́ goã giã-n Zeruzalɛmu.

³⁵Yeyeli ke á Gabawɔ̃ kiwi koa, bɛ goã giã-n a din Gabawɔ̃ kiwi lɛ nɛ, kun ka a lɔ Maakaa nɛ,

³⁶a nɛ bibinaa Abdɔn nɛ, ka a nɛ gialakunun kɛn nɛ: Suuru ni, Kiisi ni, Baali ni, Nɛɛrɛ nɛ, Nadaabu ni,

³⁷Gedɔɔrɔ nɛ, Ayo ne, ka Zakan laanka Mikilɔti ni.

³⁸Mikilɔti na á Simeamu yɛ. Bɛn dɔn man nə́ goã giã-n Zeruzalɛmu ka ǹ dɔɔ̃nɔn wɔ bɛ́ lɔn, ǹ nə́ kunun ǹ ni.

³⁹Nɛɛrɛ na á Kiisi yɛ, Kiisi na á Sayulu yɛ, Sayulu na á Zonaatan yɛ, Malki-Suwa nɛ, Abinaadaabu ni, ka Esibaali ni.

⁴⁰Zonatan a nɛ na á goã ka Meribaali ni. Meribaali na á Mikaa yɛ.

⁴¹Mika a nɛnyaanan man nə́ goã ka Pitɔn nɛ, Melɛki ni, ka Tarea nɛ.

⁴²Ahaazi na á Yayera yɛ. Yayera na á Alɛmɛti yɛ, Azimawɛti laanka Zimri ni. Zimri na á Mosaa yɛ.

⁴³Mosaa na á Binea yɛ, Binea na á Rafaa yɛ, Rafaa na á Elaasaa yɛ, Elaasaa na á Aseli yɛ.

⁴⁴Aseli na á nɛ sɔrɔ yɛ. Ǹ tɔn man ka kɛn nɛ: Azirikaamu ni, Bokru ni, Isimayeli ni, Searia nɛ, Odavia laanka Hanan nɛ. Aseli a nɛnyaanan man ka bɛn lɛn nɛ.