Read Samo, Southern Ɛsid 2 Bible Online

Ɛsid 2 - Samo, Southern bible

Ɛsid 2

¹*Baabilonii gána a kii Nebukadenezɔɔrɔ goã á Zudaa minin mɛnɛn goa, á woo ǹ ne bɛ̀rɛbaa ǹ bǎã nɛ Baabilonii gána nɛ, bɛn min mɛnɛn nə n bɔyaa bɛa bɛ̀rɛbaa ǹ bǎã lɛ nɛ, ǹ nə́ daa Zeruzalɛmu laanka Zudaa kiwi, ǹ didie giã a kiwi, ǹ dinin man ke.

²Maǹ nə́ daa kun ka Zorobaabɛli ni, Zozoe ne, Neyemiã nɛ, Seraya nɛ, Relaya nɛ, Mardoose ne, Mispara nɛ, Bigwayii ni, Rewumu ni, ka Baanaa nɛ. Izirayeli tɔrɔn lɛn giĩn lɛ á ke:

³Parɔsi a tanlɛ minin: min duu paa ka paabiɛ ka pɔsɔbaawenpaa (2 172).

⁴Sefatia a tanlɛ minin: min biɛsɔɔ ka pɔsɔbaawenpaa (372).

⁵Araa a tanlɛ minin: min biɛsɔbaa ka pɔsɔbaawensooro (775).

⁶Paati-Moabu a tanlɛ minin kɛn, Zozoe laanka Zoabu tɔrɔn lɛa: min duu paa ka biɛkiwisi ka fulupaa (2 812).

⁷Elamu a tanlɛ minin: min duu goon ka biɛ paa ka posoorowensii (1 254).

⁸Zaatuu a tanlɛ minin: min biɛmanangɔrɔ ka pusiwensooro (945).

⁹Zakayii a tanlɛ minin: min biɛsɔbaa ka pɔsɔrɔ (760).

¹⁰Banii a tanlɛ lɛ nɛ: min biɛsɔrɔ ka pusiwenpaa (642).

¹¹Bebayii a tanlɛ minin: min biɛsɔrɔ ka fuəwensɔɔ (623).

¹²Azigaadi a tanlɛ minin: min duu goon ka biɛpaa ka fuəwenpaa (1 222).

¹³Adonikaamu a tanlɛ minin: min biɛsɔrɔ ka pɔsɔrɔwensɔrɔ (666).

¹⁴Bigwayii a tanlɛ minin: min duu paa ka posoorowensɔrɔ (2 056).

¹⁵Adɛn a tanlɛ minin: min biɛsii ka posoorowensii (454).

¹⁶Atɛɛrɛ a tanlɛ minin kɛn, Yizikia tɔrɔn lɛa: min pɔmanangɔrɔwenkiwisi (98).

¹⁷Besayii a tanlɛ minin: min biɛsɔɔ ka fuəwensɔɔ (323).

¹⁸Zoraa a tanlɛ minin: min paabiɛ ka fulupaa (112).

¹⁹Hasumu a tanlɛ minin: min biɛpaa ka fuəwensɔɔ (223).

²⁰Gibara a tanlɛ minin: min pɔmanangɔrɔwensooro (95).

²¹Bɛtlehɛmu a tanlɛ minin: min paabiɛ ka fuəwensɔɔ (123).

²²Netofaa a tanlɛ minin: min posoorowensɔrɔ (56).

²³Anaatɔti a tanlɛ minin: min paabiɛ ka fuəwenkiwisi (128).

²⁴Azimaati a tanlɛ minin: min pusiwenpaa (42).

²⁵Kiriyati-Yarimu a tanlɛ minin, ka Kifiraa laanka Beerɔti wɔ nɛ: min biɛsɔbaa ka pusiwensɔɔ (743).

²⁶Ramaa laanka Gebaa a tanlɛ minin: min biɛsɔrɔ ka fuəwengoon (621).

²⁷Mikmaasi a tanlɛ minin: min paabiɛ ka fuəwenpaa (122).

²⁸Betɛli laanka Ayii a tanlɛ minin: min biɛpaa ka fuəwensɔɔ (223).

²⁹Neboo a tanlɛ minin: min posoorowenpaa (52).

³⁰Magbiisi a tanlɛ minin: min paabiɛ ka posoorowensɔrɔ (156).

³¹Elamu kɔsɔ a tanlɛ minin: min duu goon ka biɛpaa ka posoorowensii (1 254).

³²Harimu a tanlɛ minin: min biɛsɔɔ ka fuə (320).

³³Lɔdi a tanlɛ minin, ka Adiidi laanka Onoo a tanlɛ minin: min biɛsɔbaa ka fuəwensooro (725).

³⁴Zerikoo a tanlɛ minin: min biɛsɔɔ ka pusiwensooro (345).

³⁵Senaa a tanlɛ minin: min duu sɔɔ ka biɛsɔrɔ ka pɔsɔɔ (3 630).

³⁶Lawa a wúlu-bɔlen kɛn, Yedayaa a tanlɛ minin lɛa Zozoe tɔrɔn lɛa: min biɛmanangɔrɔ ka pɔsɔbaawensɔɔ (973).

³⁷Imɛɛrɛ a tanlɛ minin: min duu goon ka posoorowenpaa (1 052).

³⁸Pasewuru a tanlɛ minin: min duu goon ka biɛpaa ka pusiwensɔbaa (1 247).

³⁹Harimu a tanlɛ minin: min duu goon ka fulusɔbaa (1 017).

⁴⁰Levi tɔrɔn kɛn Zozoe laanka Kadimiyeli a tanlɛ minin lɛa, Odavia a kion minin lɛa: min pɔsɔbaawensii (74).

⁴¹Loe-lɔlin kɛn Azaafu a tanlɛ minin lɛa: min paabiɛ ka fuəwenkiwisi (128).

⁴²Min mɛnɛn bɛ́ Lawa a kion kiɛnlɛ lɛduĩ: Salumu a tanlɛ minin ni, Atɛɛrɛ a tanlɛ wɔn nɛ, Talmɔn a tanlɛ wɔn nɛ, Akubu a tanlɛ wɔn nɛ, Atitaa a tanlɛ wɔn nɛ, Sobayii a tanlɛ wɔn nɛ, ǹ tumaa a kaakun min paabiɛ ka pɔsɔɔwenmanangɔrɔ (139).

⁴³Lawa a kion dí-nyalin: Siha a tanlɛ minin manɛ, Asufaa a tanlɛ minin ni, Tabawɔti a tanlɛ wɔn nɛ,

⁴⁴Kerɔsi a tanlɛ wɔn nɛ, Siyaa a tanlɛ wɔn nɛ, Padɔn a tanlɛ wɔn nɛ,

⁴⁵Lebanaa a tanlɛ wɔn nɛ, Agaabaa a tanlɛ wɔn nɛ, Akubu a tanlɛ wɔn nɛ,

⁴⁶Agaabu a tanlɛ wɔn nɛ, Salmayii a tanlɛ wɔn nɛ, Hanan a tanlɛ wɔn nɛ,

⁴⁷Gideli a tanlɛ wɔn nɛ, Gahara a tanlɛ wɔn nɛ, Rehaya a tanlɛ wɔn nɛ,

⁴⁸Resini a tanlɛ wɔn nɛ, Nekodaa a tanlɛ wɔn nɛ, Gazaamu a tanlɛ wɔn nɛ,

⁴⁹Uzaa a tanlɛ wɔn nɛ, Paseyaa a tanlɛ wɔn nɛ, Besayii a tanlɛ wɔn nɛ,

⁵⁰Asinaa a tanlɛ wɔn nɛ, Mewonimu a tanlɛ wɔn nɛ, Nefusimu a tanlɛ wɔn nɛ,

⁵¹Bakibuku a tanlɛ wɔn nɛ, Akufaa a tanlɛ wɔn nɛ, Aruru a tanlɛ wɔn nɛ,

⁵²Bazilitu a tanlɛ wɔn nɛ, Meyidaa a tanlɛ wɔn nɛ, Arkaa a tanlɛ wɔn nɛ,

⁵³Barkɔsi a tanlɛ wɔn nɛ, Sizeraa a tanlɛ wɔn nɛ, Tamaa a tanlɛ wɔn nɛ,

⁵⁴Nesia a tanlɛ wɔn nɛ, ka Atifaa a tanlɛ wɔn nɛ.

⁵⁵Salomɔn a dí-nyalin tɔrɔn: Sotayii a tanlɛ minin manɛ, Ha-Soferɛti a tanlɛ wɔn nɛ, Perudaa a tanlɛ wɔn nɛ,

⁵⁶Yaalaa a tanlɛ wɔn nɛ, Darkɔn a tanlɛ wɔn nɛ, Gideli a tanlɛ wɔn nɛ,

⁵⁷Sefatia a tanlɛ wɔn nɛ, Atili a tanlɛ wɔn nɛ, Pokerɛti-Asebayimu a tanlɛ wɔn nɛ, ka Ami a tanlɛ wɔn nɛ.

⁵⁸Lawa a kion dí-nyalin lɛn tumaa laanka Salomɔn a dí-nyalin lɛn tɔrɔn: min biɛsɔɔ ka pɔmanangɔrɔwenpaa (392).

⁵⁹Min mɛnɛn nə n toa Teli-Melaa kiwi, ka Teli-Arsaa kiwi ni, ka Kerubu-Adan kiwi laanka Imɛɛrɛ kiwi ni ǹ nə́ daa, ǹ nə́ ǹ boo la, ǹ nə́ nyaa mà ǹsɛn dikion taãn nə Izirayeli wa, mà ǹsɛn man Izirayeli tɔrɔn lɛa wa, bɛn nə́ ke:

⁶⁰Delazaa a tanlɛ minin manɛ, Tobiyaa a tanlɛ minin ni, Nekodaa a tanlɛ wɔn nɛ, min biɛsɔrɔ ka posoorowenpaa (652).

⁶¹Ǹ tɛnɛn dɔn nə́ goã kun ka Lawa a wúlu-bɔlen ne: Obayia a tanlɛ minin manɛ, Akɔsi a tanlɛ wɔn nɛ, ka Barzilayii a tanlɛ wɔn nɛ. Bɛa Barzilayii lɛ na á goã á Galaati gána min Barzilayii kɛ a nɛ saa lɔ lɛa, ǹ nə́ tɔ́n bɛa tɔ lɛ kɔ a ganaa.

⁶²Bɛa minin kɛn lɛn tɔrɔ basa bɛ́ kiɛ̃ nɛ sɛ́wɔ mɛn nɛ, ǹ nə́ ga li sɛnɛ, ǹ yɛ wa. Ǹ nə́ tɔ́n ga ǹ ganaa min gɔgɔrɛn lɛa, ǹ nə́ ǹ gòɛ̃ bɔ ǹ nə́ bɔ Lawa a wúlu bɔ sii ni.

⁶³ Min mɛn bɛ́ goledɛnaa lɛa, bɛ́ tɔ́n pɛ ǹ nɛ, mà bɛ̀ màn-bii mɛn nə́ n kɔ Lawa la, mà ǹ baran bɛ bii wa, yǎa Lawa a wúlu-bɔle die, a dí nyɛɛ ka Lawa dùũ dɔ̃ ǹ mànan kɛn nɛ.

⁶⁴Zaman lɛ din tumaa na á goã min duu pusiwenpaa ka biɛsɔɔ ka pɔsɔrɔ (42 360),

⁶⁵ǹ bɛ̀rɛgiĩn laanka ǹ bɛ̀rɛlɔn nə́ ǹ ba a-n wa. Ǹ bɛ̀rɛgiĩn lɛn laanka bɛ̀rɛlɔn lɛn man min duu sɔbaa ka biɛsɔɔ ka pɔsɔɔwensɔbaa (7 337). Ǹ lɔ kɔlɔn laanka ǹ giĩ kɔlɔn man nə́ goã min biɛpaa.

⁶⁶Ǹ sùin man biɛsɔbaa ka pɔsɔɔwensɔrɔ (736), ǹ dundun sùin man biɛpaa ka pusiwensooro (245).

⁶⁷Ǹ nyɔɔmaan man biɛsii ka pɔsɔɔwensooro (435), ǹ dundunun man duu sɔrɔ ka biɛsɔbaa ka fuə (6 720).

⁶⁸Ǹ bɛ́ ǹ nə́ dɔ Dɛnaa Lawa a kion kɛ li Zeruzalɛmu, kɛdɛnan tɛnɛn nə́ bɔ ǹ foo ne, ǹ nə́ mànan kɔ bɛ wɔ lɛa, màn mɛn bɛ́ toɛ ǹ wusoo ǹ dɔ a lɛlɛ a bǎã lɛ nɛ.

⁶⁹Ǹ bɛ́ màn mɛn koe dí lɛ a nya ǹ wɔ lɛa, ǹ dɔn nə́ sana kilo biɛsooro (500) kaa bɛ li, ka wɔrɔ kilo duu paa ka biɛsooro (2 500) ni, ka Lawa a wúlu-bɔlen mɔnaa paabiɛ nɛ, maǹ nə́ kɔ á kɔnpɛ ka ǹ pàã nɛ.

⁷⁰ Lawa a wúlu-bɔlen lɛn nɛ, *Levii tɔrɔn lɛn nɛ, zaman gialakun lɛ nɛ, kɔlɔn nɛ, kiɛnlɛ-lɛduə̃lin ni, ka Lawa a kion di-nyanlin ni, ǹ nə́ giã ǹ kiwin ni. Izirayeli minin lɛn didie wusoo á woo a din a kiwi.