Read Samo, Southern BBN 27 Bible Online

BBN 27 - Samo, Southern bible

BBN 27

¹Bɛ kio, n *wúlu bɔ ǹ bǎã lɛ zɛnaa ka kaasia gɔn nɛ. A sasabaa goã gùrù yii sooro, a pəməbaa goã gùrù yii sooro. A gùrùn tumaa doamaa nɛ ǹ goã goon. A wo lon goã gùrù yii sɔɔ.

²N bìbìn dɔ a gùrùn wɔkɔnlɛ ǹ bǎã sii kɛ tumaa ganaa, ǹ goã doa-n kɔn ka wúlu bɔ ǹ bǎã lɛ nɛ, n zan tã kaa la.

³N bǎã lɛ a ton kaa ǹ tasanan zɛnaa ka zan tã nɛ, ka a ton goa ǹ lasan nɛ, ka a mà pɛsɛ̃ ǹ tàanan nɛ, a siĩ fɔ̃ ǹ bàlàn nɛ, ka tɛ nàn kaa ǹ mànan nɛ.

⁴N tɛ nàn kaamala ǹ tɛmɛ zɛnaa ka zan tã nɛ, ka zan tã kaaran nɛ a lɛkoro sii lɛ a gogoonmaa ganaa.

⁵N bɛa tɛmɛ kɛ lɛ koa wúlu bɔ ǹ bǎã lɛ a tán laanka a lon bii ni, a lɛkiri giulun.

⁶N bàlàn zɛnaa bǎã lɛ wɔn lɛa ka kaasia gɔn nɛ, n zan tã kaa ǹ la.

⁷Ka bɛa bàlàn kɛn lɛn wɔ kaaranan lɛn nɛ. Bàlàn lɛn man die goɛ̃ wúlu bɔ ǹ bǎã lɛ wàãn paanan li, bɛ̀ ǹ gũ ni.

⁸Bɛa wúlu bɔ ǹ bǎã kɛ lɛ, a n die zɛnɛɛ ka gɔn sɛlɛɛn nɛ, a gɔ́ɔ̃ n die goɛ̃ koo. N toa n zɛnaa, ka ma bɛ́ ma a yɔrɔ nyaa n nɛ lɔn kele lɛ la.

⁹Bɛ kio kəni, n Kion lɛ a sumu dɔ ka mɔnaa guguru sonbore ne. Gusin a lɛ̀gɔn la, mɔnaa lɛ a sasabaa goã gùrù yii paabiɛ.

¹⁰A doa ǹ bàlàn man die goɛ̃ fuə, ǹ giãmala ǹ mànan dɔn man die goɛ̃ fuə, ǹ tumaa n zɛnaa-n ka zan tã nɛ. Doa ǹ bàlàn lɛn karan laanka ǹ mɔnaan lɔɔ ǹ bàlàn kɛn man die goɛ̃ wɔrɔgiala lɛa.

¹¹A din goon ne gɔsɛ a lɛ̀gɔn paǹ kɛ dɔ li: A sasabaa lɛ li, mɔnaa goã a wo dɔ gùrù yii paabiɛ, ka a doa ǹ bàlà fuə ne, ka ǹ giãmala ǹ màn fuə ne, ǹ tumaa n zan tã lɛa. Ǹ doa ǹ bàlàn lɛn sɛn karan kɛn laanka ǹ mɔnaan lɔɔ ǹ bàlàn kɛn nə goã wɔrɔgiala lɛa.

¹²Sumu lɛ a pəməbaa sɛ, dia-n woe lɛ̀nyɛɛn la, mɔnaa lɛ dɔ gùrù yii posooro, a doa ǹ bàlàn nə goã fù ka giãmala ǹ màn fù ni.

¹³Sumu lɛ a pəməbaa ke, dia-n woe lɛ̀giala la, bɛ goã gùrù yii posooro.

¹⁴Kiɛnlɛ lɛ para goon li, mɔnaa lɛ goã gùrù yii fulusooro, ka doa ǹ bàlà sɔɔ nɛ, ka ǹ giãmala ǹ màn sɔɔ nɛ.

¹⁵A para goon kɛ dɔ li, mɔnaa gùrù yii fulusooro doo, ka a doa ǹ bàlà sɔɔ nɛ, ka ǹ giãmala ǹ màn sɔɔ nɛ.

¹⁶Mɔnaa goã koe-n sumu lɛ a kiɛnlɛ lɛ, mɔnaa dí-nyali sonboren na a dí nya. A goã gùrù yii fuə, a goã mɔnaa guguru sonbore lɛa, foɛ̃-n ka gɛ̀sɛ korebore ne, ka a tã nɛ, ka a tã zenzen ne. A doa ǹ bàlà goã sii ka ǹ giãmala ǹ màn sii ni.

¹⁷Mɔnaan lɔɔ ǹ bàlàn mɛnɛn bɛ́ zɛnaa-n ka wɔrɔgiala nɛ, bɛn man die sumu lɛ a doa ǹ bàlàn kɛn tumaa doɛ kɔn. Bàlàn lɛn karan man goɛ̃ wɔrɔgiala lɛa, ǹ giãmala ǹ mànan nə́ zan tã lɛa.

¹⁸Sumu lɛ a sasabaa n gùrù yii paabiɛ, wàã goon wɔ lɛa, a pəməbaa n gùrù yii posooro, wàã goon wɔ lɛ a. A wo lon nə goã gùrù yii sooro, a mɔnaa n zɛnaa-n ka mɔnaa guguru sonbore ne. A bàlàn kɛn giãmala ǹ mànan man zan tã lɛa.

¹⁹Kion lɛ a màn bisinin tumaa, ǹ bɛ́ re a dí nyɛɛ ka ǹ mɛnɛn nɛ, ǹ kiɛn mɛnɛn zumu Mɔnaa Kion lɛ nɛ, ka a sumu wɔn nɛ, bɛn tumaa na á goã zan tã lɛa.»

²⁰Lawa pɛ: «A pɛ Izirayeli nɛnyaanan lɛn manɛ, mà ǹ ga *olivie nyɔɔ li bolon lɛ wɔ lɛa. Nyɔɔ siĩn sonbore, màn mɛn bɛ́ toɛ, bolonən lɛn nə goã kuĩ miɛ̃.

²¹Kɔn yɛ ka Lawa nɛ ǹ Kion kɛ lɛ nɛ, mɔnaa kɛ lɛ goo lɛ siã, a kũ bɛ lɛ yɔrɔ-a miɛ̃, a ná a ba nimi wa. Aarɔn laanka a nɛgiĩn doamaa nɛ, ǹ na a sii yɔrɔ bɔ, a boo la a kũ Dɛnaa yɔrɔ-a tèlò-n a wo lɛawaa yaa. Mà bɛ n sii lɛa, Izirayeli nɛnyaanan doamaa bɛ́, ǹ màn mɛn zɛnaa lɛ̀ woo lɛ̀, a ná a ba sàabiɛ wa.»