Read Samo, Southern Zɔb 25 Bible Online

Zɔb 25 - Samo, Southern bible

Zɔb 25

¹Bildaadi mɛn bɛ́ boe Suwaa, bɛ́ tɔ́n boo saa á pɛ:

²«Pàã mɛn bɛ́ Lawa lon, á nyɛ́ɛ diɛ. A din nə là nyantoro koɛ lon gɔ́ɔ̃ nɛ.

³Zia-baali kuru mɛn bɛ́ a lon, die n boe la a ǹ nimi, a ǹ lɛ dɔ̃? A wasa kɛ na a boe die la wa?

⁴Minbuiin nɛ n siɛ lɔn a tɔn sonbore yɛ Lawa ganaa? Lɔ a yii kɛ lɛ n siɛ lɔn a tɔn goã *yoreen ne?

⁵Bɛ̀ mui din ba tɛ pii Lawa yii li wa, bɛ̀ leeren kɛn ba yoreen a yii li wa,

⁶n tɔn minbuiin nɛ pɛ, bɛa nyuun kɛ lɛ, minbuiin nɛ kɛ lɛ ka nyuun bisin bɛ́ lɔn.»