Read Samo, Southern Zɔb 5 Bible Online

Zɔb 5 - Samo, Southern bible

Zɔb 5

¹Lɛ dia kən le. Min tá re yii a n lɛ si? Ma n die boo diɛ ka lon a dia dí-a wole sonbore kɛ mɛn nɛ?

²Foo-yoo n yiriwɛɛnaa dii, foo a wuu-pɛ n baãnaa dii.

³Ma bin yiriwɛɛnaa yɛ a gòãn nə́ doa. Bǎã goon ne, má lɛn baraa bíi a kion li.

⁴A nɛnyaanan baran là nyantoro yɛ wa. Ǹ fuu nyaa ǹ nɛ kiri wɔ ǹ bǎã nɛ, min baran yɛ a ǹ si wa.

⁵Bòonaan tá re a buu kɔsɔ ǹ màn bii. A na a lɛnpɛnɛ ka nyan mɛn din ni, ǹ tá re we bɛ lɛ gɔ́ɔ̃ nɛ ǹ goa. Bɔlɔ sɛ̀muidɛnan tá re a gɔn màn goɛ.

⁶Nɔmaa bie die kooro wa, doòbaabaa bie die kooro wa.

⁷Tɛ bɛ́ pupuri bɛ̀ a yoo lon lɔn sàabaa ná a ba la wa, minbuiin nɛ dɔ na á yɛ nɔmaa taman yii.

⁸Bɛ̀ masɛ nɛ, man maa sii lɛ pii Lawa nɛ, man maa sii lɛ toɛ Lawa gɔn.

⁹A din lɛ n sii dadaran zɛnɛɛ, min ba ǹ giala miɛ wa. A n kaãbaa ǹ siin zɛnɛɛ lɛ ba la wa.

¹⁰A din nə la kiɛ tán la, a din nə la mu kiɛ wurun ni.

¹¹A n din gisiĩ wolen siɛ lon, a n yɔrɔ kɔsiɛ wolen sii a ǹ yɔrɔ kaa.

¹²A din nə yiri baraa-bɔlen sii yɔrɔ bɔ ziziɛ̃. Ǹ taasiɛ baraan lɛn ba yɔrɔ yii wa.

¹³ A n sii-dɔ̃lin kuĩ ka ǹ dinin zɛnaa ǹ sii ni. Baraa-zɛnaalin sii yɔrɔ bɔ a giala yii wa.

¹⁴Ta lɛ̀ na á waa, ǹsɛn man wɔlɔ tì li. Ta penleen tiɛɛ̃n nɛ, ǹsɛn manə n gɔn tatalɛɛ ka tèlò ne.

¹⁵Lawa din nə doobaa kirisibiɛ ǹ lɛwɔn kiɛ kɛ ganaa. A din nə doobaa gɔsiɛ a bɔ ǹ gɔn kaka kɛ nɛ.

¹⁶Foo-doa tá pàãwɛɛnaa lon, sii kɔkɔrɔ-zɛnaalin sɛn tá re n lɛ tiɛ̃.

¹⁷ A ke, Lawa bɛ́ min mɛn doree, bɛa dɛnaa wɔ na á bǐɛ̃ kɔ. N baran n piã ka Pàãyiidɛnaa a doree-n wa.

¹⁸ A giala, a din nə min dii a mà bɔ-a, sɛnɛ a din nə wusii a na a busulɛ nya. A din nə busu diɛ min ganaa, a din wusoo a nya.

¹⁹Ta nɔmaa sɔrɔ nɛ, á die n kirisibiɛ ǹ ganaa. Ta a din na á dɔ sɔbaa, baraa ba re doe n ganaa wa.

²⁰Bòo biikoo li, á re n kirisibiɛ gɛ̀ ganaa, zia biikoo li, á re n kanbiɛ gɔya sa ganaa.

²¹N tá re kanbiɛ minin tɔ ziziɛ̃ ǹ boon ganaa. Ta bɔ̀n nə die, nyɛ́ɛ a re n kuĩ wa.

²²N tá re yaa we bɔ̀n da ǹ sii laanka bòo ganaa. N baran nyɛ́ɛ baa don màn babaraan nyɛɛn wa.

²³A giala kɔlɔn kɛn ba re n wuru kɔsiɛ sàabiɛ wa, n laanka don mànan dɔn ba re kɔn nɔmiɛ̃ wa.

²⁴N tá re là nyantoro yii n kion, n tá re woe boe n tɔɔn zìã nɛ, n wo yaa màn kɔn nə ǹ nyaabaa wa.

²⁵N tá re n tɔrɔn yii mɔnɛɛ, n nɛnyaanan tá re mɔnɛɛ, ka buu bɛ́ lɔn boe tán.

²⁶Ka màn tɔrɔ bɛ́ miɛ lɔn, bɛ̀ ǹ tɔn kuru ǹ kaa kɔn la, n tá re zizi koe parsiini n tɔn gã.

²⁷Wɔsɛn nə màn mɛn yɛ, a din lɛ n ke. A n miɛ̃. N dɔ bɛ lɛ si, n nə n laadoo bǐɛ̃ kɔ nɛ.»