Read Samo, Southern Loe 1 Bible Online

Loe 1 - Samo, Southern bible

Loe 1

¹Min mɛn bɛ́ a ba n too koe min baraan boo li wa, a ná a ba sii baraa-zɛnaalin lɛn zoɛ̃ wa, a ná a ba n mɔrɛ Lawa da yaa lɛa wolen ganaa wa, bɛa dɛnaa wɔ na á bǐɛ̃ kɔ.

²Sɛnɛ, bɛa dɛnaa lɛ bɛ́ màn mɛn narɛ, bɛ n ka Dɛnaa Lawa a minin daraa ǹ boo kɛ nɛ, a n taasiɛ we bɛ lɛ-a baayɛlɛ laanka tèlò.

³ A n ka da mɛn bɛ́ ǹ nə́ zumu tà lɛ-a, a na a nɛ koe a biikoo li, a luu a bɛbɛnɛ wa. Bɛa dɛnaa kɛ bɛ́ sii mɛn tumaa zɛnɛɛ, a n bǐɛ̃ koe.

⁴Sɛnɛ, min baraan wɔ bie miɛ̃ wa: bɛn man ka kaã bɛ́ lɔn kiɛ̃ piɛ̃ li.

⁵Bɛ lɛ n ke, sii yɔrɔ bɔ pinaa, ǹ ba re lɛ koe min baraan ganaa wa; ǹ ba re lɛ koe sii baraa-zɛnaalin kɛn ganaa min sonboren bii wa.

⁶A giala, Dɛnaa Lawa n giɛ min sonboren walan, sɛnɛ, min baraan wɔ n ka bɔ̀n nɛ.