Read Samo, Southern Loe 101 Bible Online

Loe 101 - Samo, Southern bible

Loe 101

¹Davida a loe goon nə ke. Dɛnaa Lawa, man die bǐɛbaa laanka peperebaa loe loe lɛa, man die loe kɛ loe, ma màn wuu da li n wɔ lɛa.

²Man giɛ li ma yiri bɔ maa tɔ wɔ ǹ gɔn li, a boo la a goã siĩni. Man die boe ma li biĩ kəni? Maa sumu minin bii, ma tá re ma din kuĩ maa tɔ wɔ ǹ gɔn goã siĩni.

³Ma ba re toɛ ma yii bɔ *gɔ̀ sii kɔn li wa. Wusoo Lawa kio wolen sii zɛnaa ǹ gɔn ba kɔɔ̃n ma ganaa wa, a gìĩ din ba ma dii wa.

⁴Ma ba woe kun ka min kɔkɔrɔn nɛ wa. Ma ba re lɛ koe sii baraa ganaa wa.

⁵Min mɛn bɛ́ n duri, ǹ miãn tɔ ziziɛ̃, ma tá re barka boe bɛa dɛnaa-n ka lenlen. Min mɛn bɛ́ n din gole koe, a n giɛ ǹ miãn-a màn kooron lɛa, ma ba boe la ma bɛa dɛnaa a sii si ma ganaa wa.

⁶Min mɛnɛn bɛ́ foo doamaa wolen lɛa gána lɛ gɔ́ɔ̃ nɛ, man bɛn yii gɔgoɛ̃, ń giɛ, ǹ tá sii yɔrɔ boe kun ma nɛ. Min mɛn a sii zɛnaa ǹ gɔn bɛ́ siĩni, bɛ lɛ n maa dí nya kun wole biɛ.

⁷Koɛɛ̃n-kɔle ba re goɛ̃ kun ma nɛ maa kion wa, soɛ-bɔle kɔn ba re giɛ̃ ma yɔrɔ-a wa.

⁸Baraabaraa, baayɛlɛ, ma á re barka boe min baraan kɛn nɛ, gána lɛ gɔ́ɔ̃ nɛ. Ma á re baraa-zɛnaalin kɛn soe, ma ǹ bɔ Dɛnaa Lawa a kiwi kɛ nɛ.