Read Samo, Southern Loe 113 Bible Online

Loe 113 - Samo, Southern bible

Loe 113

¹Aleluya, ka Dɛnaa Lawa tɔ bɔ! Dɛnaa Lawa a dí-nyalin lɛn, ka a tɔ bɔ, ka Dɛnaa Lawa tɔ kɛ kalaa.

²Ka barka da Dɛnaa Lawa nɛ, kanna yǎa duduu.

³A kũ wasa a bɔ tán ganaa, a wo a yii-sã yaa, min tumaa Dɛnaa Lawa tɔ bɔ.

⁴Dɛnaa Lawa n tɔrɔn tumaa lalan, a gugurubaa dɔ kiɛ̃ lon la.

⁵Die n ka wɔsɛn Dɛnaa Lawa lɛ bɛ́ lɔn? Min kɔn! A n giã-n lon a kii dankan la.

⁶A nə n kanɛɛ, á giɛ lon laanka tán ganaa.

⁷A din nə pàãwɛɛnaa siɛ lon, a bɔ tii li, a doobaa kɛ saa lon, a bɔ yisi li.

⁸A n bǎã koe ǹ la, ǹ giã tán kun ka kiin ni, kun ka a din a zaman lɛ a kiin ni.

⁹A din nə kion koe lɔ nɛ-yɛlebaãnaa la. A baa náa foo kɔɔ̃n-a lɛa nɛnyaanan bii. Aleluya, ka Dɛnaa Lawa tɔ bɔ!